Προβολή Τραγουδιού
Arkadaslik
Meryem anaΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Kahraman Çolak, Kerim Aydin, Ιωσήφ Αλμασίδης, Στάθης Ευσταθιάδης, Χορωδία
Εις Θεός σον ουρανόν ο προστάτες τ’ ολονών Κι ο πατέρας τ’ ολονών κανείς καν’νάν μη κομπών’ Εγώ είμαι μουσουλμάν’ και ο Στάτης χριστιάν’ Λέμε «γιοκ» σο τουσ̌μανλούκ’¹ και το «ναι» σ’ αρκατασ̌λούκ’² Λέμε «ναι» σ’ αρκατασ̌λούκ’ και το «γιοκ» σο τουσ̌μανλούκ’ Η ειρήνη, το παρούς̌ εμορφύν’ το κομσ̌ουλούκ’³ Κομσ̌ουλούκ κι αρκατασ̌λούκ’ κ’ επεκεί το σεβταλούκ’ Εσύ δέβα σην τζ̌αμήν και -ν- εγώ σην εγκλησι͜άν Ποίον έν’ κι άλλο τογρίν, πώς νουνίζω νεφιλι͜άν Εγώ είμαι μουσουλμάν’ και ο Στάτης χριστιάν’ Λέμε «γιοκ» σο τουσ̌μανλούκ’ και το «ναι» σ’ αρκατασ̌λούκ’ Λέμε «ναι» σ’ αρκατασ̌λούκ’ και το «γιοκ» σο τουσ̌μανλούκ’ Η ειρήνη, το παρούς̌ εμορφύν’ το κομσ̌ουλούκ’ Κομσ̌ουλούκ κι αρκατασ̌λούκ’ κ’ επεκεί το σεβταλούκ’ Καραμάν, κεμεντζ̌ετζ̌ή Καραντενίζ μιλετί’ Καραντενίζ μιλετί’ ανατόλ’ μπιλμπιλγουσ̌ί⁴ Εγώ είμαι μουσουλμάν’ και ο Στάτης χριστιάν’ Λέμε «γιοκ» σο τουσ̌μανλούκ’ και το «ναι» σ’ αρκατασ̌λούκ’ Λέμε «ναι» σ’ αρκατασ̌λούκ’ και το «γιοκ» σο τουσ̌μανλούκ’ Η ειρήνη, το παρούς̌ εμορφύν’ το κομσ̌ουλούκ’ Κομσ̌ουλούκ κι αρκατασ̌λούκ’ κι επεκεί το σεβταλούκ’ Γιασ̌ασούν, αχ! Καραμάν. Καπίκιολι Ματσ̌κατάν Καπίκιολι Ματσ̌κατάν, Κεμεντζ̌ετζ̌ή Καραμάν⁵ Εγώ είμαι μουσουλμάν’ και ο Στάτης χριστιάν’ Λέμε «γιοκ» σο τουσ̌μανλούκ’ και το «ναι» σ’ αρκατασ̌λούκ’ Λέμε «ναι» σ’ αρκατασ̌λούκ’ και το «γιοκ» σο τουσ̌μανλούκ’ Η ειρήνη, το παρούς̌ εμορφύν’ το κομσ̌ουλούκ’ Κομσ̌ουλούκ κι αρκατασ̌λούκ’ κι επεκεί το σεβταλούκ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| δέβα | πήγαινε (προστ.) | ||
| εμορφύν’ | ομορφαίνω/εις | ||
| έν’ | είναι | ||
| επεκεί | από εκεί, από τότε, ύστερα, κατόπιν | ||
| καν’νάν | κανέναν | ||
| Καραντενίζ | η Μαύρη Θάλασσα | Karadeniz | |
| κομπών’ | εξαπατάω/άει, ξεγελάω/άει, μτφ. σαγηνεύω/ει | κομβόω | |
| μιλετί’ | φυλής, έθνους | millet | |
| νεφιλι͜άν | μάταιο/α, ανώφελο/α | nafile/nāfile | |
| νουνίζω | σκέφτομαι | ||
| παρούς̌ | ειρήνη | barış | |
| σεβταλούκ’ | έρωτας | sevdalık | |
| τογρίν | αληθινό, ίσιο, ευθύ, σωστό | doğru |
¹ düşmanlık (λ.τ.): εχθρότητα ² arkadaşlık (λ.τ.): φιλία, αδελφοσύνη ³ komşuluk (λ.τ.): καλή γειτονία ⁴ Καραμάν, λυράρη μαυροθαλασσίτη Μαυροθαλασσίτη, της ανατολής αηδόνι ⁵ Να ζήσεις Καραμάν από το Καπίκιοϊ της Ματσούκας Από το Καπίκιοϊ της Ματσούκας λυράρη Καραμάν