Σεβταλία τραγωδώ

Προβολή Τραγουδιού

Καλλιτέχνες: Kahraman Çolak, Kerim Aydin

Σεβταλία τραγωδώ,
για τ’ εσέν καρδοπονώ
Τη γεράν ντο ένοιξες
να λαρώνω ’κ’ επορώ

Σεβταλία τραγωδώ
κι η σεβτά μ’ τρανόν γιαγκούν
Έλα κόρ’, πέ’ με το «ναι»
και μη χάνω εγώ το νου μ’

Σεβταλία τραγωδώ
κι η σεβτά μ’ πολλά τρανόν
Σην καρδία μ’ τ’ έρημον
να ριζών’ και να κλαδών’

Σεβταλία τραγωδώ
και να στέκω ’κ’ επορώ
Λέω, κλαίω και πονώ
και πικρομοιρολογώ

Γλωσσάρι

Κείμενο	Επεξήγηση	Ετυμ. Ρίζα
γεράν	πληγή, τραύμα	yara
γιαγκούν	φωτιά	yangın
ένοιξες	άνοιξες
επορώ	μπορώ
’κ’	δεν	οὐκί<οὐχί
κλαδών’	βγάζει κλαδιά
λαρώνω	γιατρεύω, θεραπεύω
πέ’	(προστ.) πες
πολλά	(επίθ.) πολλά, (επίρρ.) πολύ
ριζών’	ριζώνει
σεβτά	αγάπη, έρωτας	sevda/sevdā
σεβταλία	ερωτοχτυπημένα, ερωτευμένα	sevdalı
τραγωδώ	τραγουδάω