Σο παρχαρί ’κι πάω

Σο παρχάρι ’κι πάω,
άλλο ’κι παρχαρεύω [Ούι αμάν!]
Θεία, με το κορτσόπο σ’
άλλο ’κι μασχαρεύω [Ούι αμάν!]

Να λελεύω σε, θεία! [Ούι αμάν!]
Το μικρόν το κορτσόπο σ’ [Ούι αμάν!]
’κ’ έτονε για παντρείαν [Ούι αμάν!]

Τ’ εμέρα τα κοσσάρας
σην φωλέαν ’κι ωβάζ’νε [Ούι αμάν!]
Τ’ έμορφα τα κορτσόπα
εγκάλιαν ’κι χορτάζ’νε [Ούι αμάν!]

Να λελεύω σε, θεία! [Ούι αμάν!]
Το μικρόν το κορτσόπο σ’ [Ούι αμάν!]
’κ’ έτονε για παντρείαν [Ούι αμάν!]

Το ποτάμιν θολόν έν’,
τ’ εμόν τ’ αρνίν μικρόν έν’ [Ούι αμάν!]
Ση ποταμί’ την άκραν
τ’ αρνί μ’ φιλώ και δάκ’ α’ [Ούι αμάν!]

Να λελεύω σε, θεία! [Ούι αμάν!]
Το μικρόν το κορτσόπο σ’ [Ούι αμάν!]
’κ’ έτονε για παντρείαν [Ούι αμάν!] [x2]