Έσυρα το λιβόρι μ’

Προβολή Τραγουδιού

Καλλιτέχνες: Kerim Aydin, Στάθης Ευσταθιάδης, Χορωδία

Έσυρα το λιβόρι μ’
κι εποίκεν τακά-τακά
Εγώ πολλά -ν- αγαπώ σε,
έλα κάθκα -ν- αδακά

Και -ν- εγώ γιοσμά -ν- παιδίν
λιβορόπον ζώσκουμαι
Σίτι͜α παίζω κεμεντζ̌έν
σο κορτσόπο σ’ έρχουμαι

Έσυρα το λιβόρι μ’
κι εποίκεν τακά-τακά
Εφέκες με κι εδέβες πλάν,
ντό να ’φτάγω αδακά;

Και -ν- εγώ γιοσμά -ν- παιδίν
λιβορόπον ζώσκουμαι
Σίτι͜α παίζω κεμεντζ̌έν
σο κορτσόπο σ’ έρχουμαι

Έσυρα το λιβόρι μ’
εντώκεν ακεί πέραν
Ήντζαν έχ̌’ καλόν κορίτσ’
να ’φτάγ’ ατεν πεθεράν

Και -ν- εγώ γιοσμά -ν- παιδίν
λιβορόπον ζώσκουμαι
Σίτι͜α παίζω κεμεντζ̌έν
σο κορτσόπο σ’ έρχουμαι

Έσυρα το λιβόρι μ’
κι εποίκεν τουμπά-τουμπά
Εμόρφυνε η σεβτά μ’
και -ν- εγέντον τρουφαντάν

Και -ν- εγώ γιοσμά -ν- παιδίν
λιβορόπον ζώσκουμαι
Σίτι͜α παίζω κεμεντζ̌έν
σο κορτσόπο σ’ έρχουμαι

Γλωσσάρι

Κείμενο	Επεξήγηση	Ετυμ. Ρίζα
αδακά	εδώ κόντα
ακεί	εκεί
ατεν	αυτήν
γιοσμά	κομψός, λεβέντης νέος	yosma
εγέντον	έγινε
εδέβες	πέρασες, έφυγες, διάβηκες	διαβαίνω
εμόρφυνε	ομόρφυνε
εντώκεν	χτύπησε
εποίκεν	έκανε, έφτιαξε	ποιέω-ῶ
έρχουμαι	έρχομαι
έσυρα	έσυρα, τράβηξα, έριξα
εφέκες	άφησες
έχ̌’	έχει
ζώσκουμαι	ζώνομαι, φορώ πάνω μου	ζώννυμι
ήντζαν	οποιοσδήποτε, όποιος / οποιονδήποτε, όποιον
κάθκα	(προστ.) κάθισε
κεμεντζ̌έν	λύρα	kemençe/kemānçe
κορτσόπο	κοριτσάκι
λιβόρι	περίστροφο	revolver
λιβορόπον	περίστροφο	revolver
πλάν	πλάι, πλαϊνό/ παρακείμενο μέρος, παραπέρα
πολλά	(επίθ.) πολλά, (επίρρ.) πολύ
σεβτά	αγάπη, έρωτας	sevda/sevdā
σίτι͜α	καθώς, ενώ	σόταν<εις όταν
τρουφαντάν	το φρούτο/λαχανικό που ωριμάζει πρώτο στη σεζόν, μτφ το νέο, τα πρωτοεμφανιζόμενο και συνεκδ. η φρέσκια/νέα κοπέλα	turfanda/tervende
’φτάγ’	(ευτάγω) κάνω, φτιάχνω	εὐθειάζω
’φτάγω	(ευτάγω) κάνω, φτιάχνω	εὐθειάζω