Λεγνή μ’, λεγνή μ’, λεγνέσσα μ’

Το πόι σ’ έν’ λεγνόμακρον
[Λεγνή μ’, πολλά λεγνέσσα]
ίσον άμον ιτέαν
[Πώς κείσαι μαναχ̌έσσα;]
Τ’ ομμάτι͜α σ’ καίγ’νε τον Πασ̌άν,
[Λεγνή μ’, πολλά λεγνέσσα]
τ’ οφρύδι͜α σ’ βασιλέαν
[Πώς κοιμάσαι μαναχ̌έσσα;]

Λεγνή μ’, λεγνέσσα,
πώς κείσαι μαναχ̌έσσα;
Τσ̌ούζω και πονώ σε [ψ̌η μ’]
ντο είσαι ορφανέσσα

Τ’ ομμάτι͜α σ’ ας σον ουρανόν
[Λεγνή μ’, λεγνή μ’, λεγνέσσα]
αστρόπα κατηβάζ’νε
[Πώς κοιμάσαι μαναχ̌έσσα;]
Πόσα καρδόπα έκαψες
[Λεγνή μ’, λεγνή μ’, λεγνέσσα]
και πόσα αναστενάζ’νε;
[Πώς κοιμάσαι μαναχ̌έσσα;]

Λεγνή μ’, λεγνή μ’, λεγνέσσα,
δεκαοχτώ χρονέσσα
Ο χρόνον δώδεκα μήνας,
πώς κοιμάσαι μαναχ̌έσσα;

Θ’ αποθάνω ψεματικά,
[Λεγνή μ’, πολλά λεγνέσσα]
θα τερώ πολλά κλαις με;
[Πώς κοιμάσαι μαναχ̌έσσα;]
Τη καρδι͜άς ι-σ’ τα μυστικά
[Λεγνή μ’, λεγνή μ’, λεγνέσσα]
θα τερώ, όλια λες με;
[Πώς κοιμάσαι μαναχ̌έσσα;]

Λεγνή μ’, λεγνέσσα,
δεκαοχτώ χρονέσσα
Ο χρόνον δώδεκα μήνας,
πώς κοιμάσαι μαναχ̌έσσα;
Τσ̌ούζω και πονώ σε
ντο είσαι ορφανέσσα