Αγαπώ σε, αγαπάς με

Αγαπώ σε, αγαπάς με,
νάζι͜α, τσ̌αλούμι͜α μ’ ευτάς με
Θαρρείς είσαι εσύ η μάνα μ’,
ντ’ εποίκα σε; καταράς με

Εγώ θέλω να παίρω σε,
σ’ οσπίτ’ νύφε να φέρω σε
Άμον παρχαρί’ μανουσ̌άκ’/τσ̌ιτσ̌έκι
πάντα σο χ̌έρ’ να κρατώ σε

Τρανόν δουλείαν έπαθα!
Χεμ, έπαθα, χεμ, έμαθα!
Περισ̌άν’ εποίκες με συ,
’πουσ̌μάνεψα ντ’ εγεννέθα

Εγώ θέλω να παίρω σε,
σ’ οσπίτ’ νύφε να φέρω σε
Άμον παρχαρί’ μανουσ̌άκ’/τσ̌ιτσ̌έκι
πάντα σο χ̌έρ’ να κρατώ σε

Όλ’ εσένα αγαπούνε
για τ’ εσένα τραγωδούνε 
Το καβάλ’ και η κεμεντζ̌έ
για τ’ εσέν μοιρολογούνε

Εγώ θέλω να παίρω σε,
σ’ οσπίτ’ νύφε να φέρω σε
Άμον παρχαρί’ μανουσ̌άκ’/τσ̌ιτσ̌έκι
πάντα σο χ̌έρ’ να κρατώ σε

Χώρι͜α - χώρι͜α μη στέκουμε
καθαείς σ’ έναν μερέαν
Έλα οι δύοι -ν- εντάμα
ας ευτάμε έναν φωλέαν

Εγώ θέλω να παίρω σε,
σ’ οσπίτ’ νύφε να φέρω σε
Άμον παρχαρί’ μανουσ̌άκ’/τσ̌ιτσ̌έκι
πάντα σο χ̌έρ’ να κρατώ σε