Ση γέφυραν, ση γέφυραν,
[Έλα Δάφνε μ’, ποταμέ!]
ση Τρίχας το γεφύριν
[Ε! Δάφνε μ’ και μυριγ̆μένε]
Χ̌ίλι͜οι μαστόροι έχτιζον
[Έλα Δάφνε μ’, ποταμέ!]
και μύριοι μαθητάδες
[Ε! Δάφνε μ’ και μυριγ̆μένε]
Όλεν τη μέραν έχτιζον,
[Έλα Δάφνε μ’, ποταμέ!]
το βράδον εχαλάουτον
[Ε! Δάφνε μ’ και μυριγ̆μένε]
-Ντό δί’ς με, πρωτομάστορα,
[Έλα Δάφνε μ’, ποταμέ!]
και στένω το γεφύρι σ’;
[Ε! Δάφνε μ’ και μυριγ̆μένε]
Αν δίγω σε τον κύρη μου
[Έλα Δάφνε μ’, ποταμέ!]
άλλο κύρην πα ’κ’ έχω
[Ε! Δάφνε μ’ και μυριγ̆μένε μ’]
Αν δίγω σε την μάνα μου
[Έλα Δάφνε μ’, ποταμέ!]
άλλεν μάναν πα ’κ’ έχω
[Ε! Δάφνε μ’ και μυριγ̆μένε μ’]
Αν δίγω σε την κάλη μου
[Έλα Δάφνε μ’, ποταμέ!]
καλύτερον ευρήκω
[Ε! Δάφνε μ’ και μυριγ̆μένε μ’]
