Πάμε φασουλίτσα μ’

Ανάθεμα και τα μακρά
ντο ’κι πάει λαλία
Τ’ ομμάτι͜α μ’ εσκοτείνεψαν
κι ας σην αροθυμίαν

Πάμε φασουλίτσα μ’, πάμε
ρίζα μ’, για τ’ εσέν θα χάμαι

Υείας και χ̌αιρετίματα
τ’ αρνί μ’ τ’ αρματωμένον
Αν ερωτά και για τ’ εμέν,
η καρδι͜ά μ’ ματωμένον

Πάμε φασουλίτσα μ’, πάμε
ρίζα μ’, για τ’ εσέν θα χάμαι

Χωρίς αέραν το πουλίν,
χωρίς νερόν τ’ οψάριν
Χωρίς αγάπη ’κι ’ίνεται
κορίτσ’ και παλληκάρι

Πάμε φασουλίτσα μ’, πάμε
ρίζα μ’, για τ’ εσέν θα χάμαι

’Τραγώδεσα, ’τραγώδεσα,
κι εκόπεν το λαλόπο μ’
Κι αν αγαπάς με πέει ατο
μη τρώγω το καρδόπο μ’

Πάμε φασουλίτσα μ’, πάμε
ρίζα μ’, για τ’ εσέν θα χάμαι

Κι ανάθεμα κι ανάθεμα
τον κύρη σ’ και τη μάνα σ’
Ντ’ εποίκε σε, τσούνας κουτάβ’,
με τόσα περηφάνειας

Πάμε φασουλίτσα μ’, πάμε
ρίζα μ’, για τ’ εσέν θα χάμαι