Τοπική Τρυγόνα

Η τρυγόνα με τ’ αντζία
[η τρυγόνα, η τρυγόνα]
πάει σ’ ορμάν’ σερεύ’ τσατσία
[η κορώνα, η κορώνα]

Η τρυγόνα με τ’ ορτάρι͜α
[η τρυγόνα, η τρυγόνα]
πάει σ’ ορμάν’ σερεύ’ χορτάρι͜α
[η κορώνα, η κορώνα]

Ακεί πέρα σ’ ορμανόπα
[η τρυγόνα, η τρυγόνα]
έστεκεν κι εποίν’νεν ξύλα
[η κορώνα, η κορώνα]

Τα ξύλα τ’ς έταν οξέας,
[η τρυγόνα, η τρυγόνα]
άντρας ατ’ς έτον μυξέας
[η κορώνα, η κορώνα]

Πορπατεί και πάει ομάλια,
[η τρυγόνα, η τρυγόνα]
τ’ ορταρόπα τ’ς αρνομάλλια
[η κορώνα, η κορώνα]

Πορπατεί και πάει τίκια,
[η τρυγόνα, η τρυγόνα]
τ’ ορταρόπα τ’ς είν’ τιφτίκια
[η κορώνα, η κορώνα]

Το σ̌ελέκ’ είχ̌εν σ’ ωμία τ’ς,
[η τρυγόνα, η τρυγόνα]
παιδία, τρώγω τα ψ̌ήα τ’ς!
[η κορώνα, η κορώνα]