Αρνί μ’ τα μάγ’λα σ’ να φιλώ

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

Αρνί μ’, τα μάγ’λα σ’ να φιλώ
τα χ̌είλια σ’ να βουκούμαι
Και σ’ έμορφον τ’ εγκαλόπο σ’
να ρούζω και κοιμούμαι

Αρνί μ’, η εμορφάδα σου
και με το περισσόν -ι
Η ασπροκοκκινάδα σου
εδέβεν το χρυσόν -ι

Αρνόπο μ’, τα μαλλόπα σου
τ’ ολόερα σ’ χρυσόν έν’
Σον πρόσωπο σ’ που θα τερεί
τ’ ομμάτι͜α τ’ πα δεισών’νε

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
βουκούμαι	βάζω μπουκιά στο στόμα, μπουκώνω
δεισών’νε	ομιχλιάζουν, θολώνουν	δεῖσα=υγρασία, λάσπη, βρωμιά
εγκαλόπο	αγκαλιά, αγκαλίτσα
εδέβεν	πήγε, διάβηκε, διέσχισε, ξεπέρασε	διαβαίνω
εμορφάδα	ομορφιά
έμορφον	όμορφο
έν’	είναι
κοιμούμαι	κοιμάμαι
μάγ’λα	μάγουλα	magulum
μαλλόπα	μαλλάκια
ολόερα	ολόγυρα
ομμάτι͜α	μάτια
πα	πάλι, επίσης, ακόμα
περισσόν	περίσσευμα, περίσσιο
ρούζω	πέφτω, ρίπτω
τερεί	κοιτάει