Ποίσον, μανίτσα μ’, την ευχ̌ή σ’

Πικρά, μανίτσα μ’, έκλαψες
το παιδί σ’ το χαμένον [γιαρ]
Έτον σ’ έρημα τα μακρά
σα ξένα απέσ’ ξένον [γιαρ]

Μάνα, μη τυραννίεσαι
και βάστα το καρδόπο σ’ [γιαρ]
Ο ξενιτέᶥας έρχεται
σ’ έρημον τ’ εγκαλόπο σ’ [γιαρ]

Σπόγγ’σον, μάνα μ’, τα δακρόπα σ’
δέβα σην εκκλησίαν [γιαρ]
Ποίσον, μανίτσα μ’, την ευχ̌ή σ’
έμπρι͜α σην Παναΐαν [γιαρ]
Τη Παναΐαν παρακάλ’
για τη παιδί’ σ’ την υείαν [γιαρ]