Εσύ μικρόν κορίτσ’

Προβολή Τραγουδιού

Καλλιτέχνες: Γιάννης Τσανάκαλης, Στάθης Νικολαΐδης

Εσύ μικρόν κορίτσ’
[Κορτσόπον έμορφον]
[Εχ!] για πέει με, τίνος είσαι;
[Σεβνταλίν πουλίν/Η πεντάμορφος]
Πέει με, μικρόν κορίτσ’,
τ’ οσπίτ’ ντο κάθεσαι
και την οτάν ντο κείσαι
[Σεβνταλίν πουλίν]
Την κάμαρην ντο κείσαι
[Η πεντάμορφος]

Εσέν μικρόν κορίτσ’
π’ εποίν’νεν η μάναν
[Αχ!] χρυσόν έν’ η κοιλία τ’ς
[Σεβνταλίν πουλί μ’/Τσ̌ιτσ̌εκλίν πουλίν]
Εποίν’νε σε, εποίν’νε σε
παντέμορφον
[και -ν-] ασ’ όλα τα παιδία τ’ς
[Σεβνταλίν πουλίν/Η πεντάμορφος]

Τον τόπον που πατείς
απ’ όπου να περάντς
μαεύ’ς τα παλληκάρι͜α
[Τσ̌ιτσ̌εκλί μ’, αρνί μ’/Η πεντάμορφος]
Και ντό ’κ’ ευτάνε ούλ’
να ’ίν’ντανε ζευγάρ’,
[Ωχ!] να κείνταν σην εγκάλι͜α σ’
[Τσ̌ιτσ̌εκλί μ’, αρνί μ’/Η πεντάμορφος]

Έλα, έλα μετ’ εμέναν
σεβνταλίν, πουλί μ’
Μη σκοτώνω εγώ εμέναν
Η πεντάμορφος

Γλωσσάρι

Κείμενο	Επεξήγηση	Ετυμ. Ρίζα
ασ’	από
εγκάλι͜α	αγκαλιά
έμορφον	όμορφο
έν’	είναι
εποίν’νε	έκανε, έφτιαχνε	ποιέω-ῶ
εποίν’νεν	έκανε, έφτιαχνε	ποιέω-ῶ
ευτάνε	κάνουν, φτιάχνουν	εὐθειάζω
’ίν’ντανε	γίνονται
’κ’	δεν	οὐκί<οὐχί
κείνταν	κείτονται, ξαπλώνουν
κείσαι	κείτεσαι, ξαπλώνεις
κορτσόπον	κοριτσάκι
μαεύ’ς	μαγεύεις
μετ’	μαζί με (με αιτιατική), με (τρόπος)
οσπίτ’	σπίτι	hospitium<hospes
οτάν	δωμάτιο	oda
ούλ’	όλοι
παιδία	παιδιά
παντέμορφον	πανέμορφο/η
πέει	(προστ.) πες
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
τίνος	ποιού;
τσ̌ιτσ̌εκλίν	ανθισμένο, γεμάτο άνθη, ανθηρό	çiçekli