Ποντιακός Στίχος

Προβολή Τραγουδιού

Οι κεμεντσ̌ετσ̌ήδες

Οι κεμεντσ̌ετσ̌ήδεςΟι κεμεντσ̌ετσ̌ήδες

Στιχουργοί: Γιάννης Τσανάκαλης

Συνθέτες: Γιάννης Τσανάκαλης

Καλλιτέχνες: Γιάννης Τσανάκαλης, Στάθης Νικολαΐδης


Αρχινώ και λέγω σας
έμορφα και πιτσ̌ιμλία
και για τους κεμεντσ̌ετσ̌ήδες
έναν μικρόν ιστορίαν

Ας κουτσομπολεύομεν
αργά και τραγουδιστά

Για τον έναν λέν’ αέτσ’,
για τον άλλον λέν’ πολλά
Έναν - έναν τα κουσούρι͜α
ας λέμε ξεχωριστά

Ο Γώγον ο Πατριάρχης
έν’ ολίγον σοβαρός
Κουγιουμτσίδης, χρυσόν ψ̌ην
κι ο Κουσίδης γελαστός
κι Ασλανίδης τσ̌αλιμτσ̌ής
όταν παίζ’, έρ’ται και χορεύ’ η ψ̌η σ’

Ο Μπάμπης ο Γρηγοριάδης
μάστορας σα τοξαρέας
Ο Πίλον ο σεβνταλής
σ̌ενλικόπον σα παρέας
Ο Χατζίκας όταν παίζ’
ψηλά κρατεί το κιφάλ’
Ο Κοσμίδης ο πιλίτσ̌ον
Πάντα θάματα ευτάει
Ο Δάμον πουγαλεμένος
όνταν παιζ’, πάντα λέει «μανίτσα μ’ βάι»

Άτος ο Τσ̌ανάκαλης
ελικτσ̌ής και μασχαρι͜άνος
Ο Τάκης φιγουρατζής
κι ο Κωστίκας τραγωδι͜άνος
και καλός κεμεντσ̌ετσ̌ής
όταν πίν’, κανέναν σειράν ’κι αφήν’

Ο Γιώργον ο μυταράς
τρώει και πίν’ όσα εβγάλ’
Ατός ο Κωνσταντινίδης
πάντα χατίρι͜α ευτάει
Ο Τάκης ο Ιωαννίδης
έμορφα σύρ’ το τοξάρ’
και πολλά ευγενικός
φέρκεται με το «σεις» και με το «σας»
Γλωσσάρι
ΚείμενοΕπεξήγησηΕτυμ. ΡίζαΠροέλευση
αέτσ’έτσι
ατόςαυτός
αφήν’αφήνει
έμορφαόμορφα
έν’είναι
έρ’ταιέρχεται
ευτάεικάνει, φτιάχνει εὐθειάζω
κεμεντσ̌ετσ̌ήςλυράρης kemençeci<kemānçe
’κιδεν ουκί<οὐχί
κιφάλ’κεφάλι
κρατείκρατάει, βαστάει, στέκει, αντέχει
μασχαρι͜άνοςπου προκαλεί γέλιο και ευθυμία, αστείος maskara/masḫara
όντανόταν
όσαόσες φορές
πιλίτσ̌ονκλωσσοπουλάκι, μτφ. μικρούλης piliç
πίν’πίνει
πιτσ̌ιμλίαόμορφα, καλίγραμμα, ταιριαστά biçimli
πολλάπολλά (επίθ.), πολύ (επίρ.)
πουγαλεμένοςσκασμένος, βαριεστημένος, στενοχωρημένος bunalma
σεβνταλήςερωτοχτυπημένος, ερωτευμένος sevdalı
σ̌ενλικόπονχαρά, ψυχαγωγία, αυτό που δίνει χαρά şenlik + -όπο (υποκορ.)
σύρ’σύρω/ει, τραβάω/ει, ρίχνω/ει
τοξάρ’δοξάρι
τοξαρέαςδοξαριές
τραγωδι͜άνοςτραγουδιστής
τσ̌αλιμτσ̌ήςσκερτσόζος, επιδέξιος çalımcı
φέρκεταιφέρεται, συμπεριφέρεται
χορεύ’χορεύω/ει
ψ̌ηψυχή
ψ̌ηνψυχή

Ποντιακός Στίχος - Pontian Lyrics 2024

Τραγούδια: 7943 | Albums/Singles: 1192 | Συντελεστές: 1575 | Λήμματα: 13399
Επικοινωνία: infoDUMMY@pontianlyrics.gr