Εγώ για το χατίρ’ τ’ εσόν

Απόψ’ θά ’ρχουμαι παίρω σε
σ’ έναν χορόν να πάμε
Κρυφά, κορτσόπο μ’, ετοιμάχ’,
η μάνα σ’ ’κι αγαπά με

Εγώ για το χατίρ’ τ’ εσόν
την ψ̌η μ’ πα θα ξοδεύω
Έβγα ας σο παράθυρον
τα μάτι͜α σ’ να λελεύω⇋

Εγώ, πουλόπο μ’ έμορφον,
τ’ εσόν τον λόγον θέλω
Την ώρα πέει με νά ’ρχουμαι
να παίρω σε και φεύω

Εγώ για το χατίρ’ τ’ εσόν
την ψ̌η μ’ πα θα ξοδεύω
Έβγα ας σο παράθυρον
τα μάτι͜α σ’ να λελεύω⇋

Απόψ’, γιαβρί μ’, ’α λέγω σε
η μάνα σ’ ντό φοάται
Κλειδών’ -τ- σε γιατί τ’ εεινές
τα παλαλά θυμάται

Εγώ για το χατίρ’ τ’ εσόν
την ψ̌η μ’ πα θα ξοδεύω
Έβγα ας σο παράθυρον
τα μάτι͜α σ’ να λελεύω⇋