Προβολή Τραγουδιού
Η σεβντά σ’ έν’ μαχ̌αίριν |
Η σεβντά σ’ έν’ μαχ̌αίρινΣτιχουργοί: Γιώργος Συμεωνίδης
Συνθέτες: Γιώργος Συμεωνίδης
Καλλιτέχνες: Θεόφιλος Πουταχίδης
Το ραχ̌ίν ραχ̌ίν στέκω, τ’ ορμία κατηβαίνω, κρύα νερόπα πίνω Νασάν εμέν! Η σεβντά σ’ έν’ μαχ̌αίρ’ χ̌ιλιοακονιγμένον Εντώκεν σο καρδόπο μ’ Ν’ αηλί εμέν! Η σεβντά σ’ έν’ μαχ̌αίριν διπλοακονιγμένον Εντώκεν σο καρδόπο μ’ Ν’ αηλί εμέν! Σ’ ορμίν σ’ ορμίν κοιμούμαι, με τ’ αστρόπα συντζ̌αίνω¹ Τη λύρα μ’ τοξαρεύω Νασάν εμέν! Η σεβντά σ’ έν’ μαχ̌αίρ’ χ̌ιλιοακονιγμένον Εντώκεν σο καρδόπο μ’ Ν’ αηλί εμέν! Η σεβντά σ’ έν’ μαχ̌αίριν διπλοακονιγμένον Εντώκεν σο καρδόπο μ’ Ν’ αηλί εμέν! Η καρδι͜ά μ’, καρδι͜ά μ’ στέκει λιθάρ’ αναπαμένον, νερόν κατενισμένον Νασάν εμέν! Η σεβντά σ’ έν’ μαχ̌αίρ’ χ̌ιλιοακονιγμένον Εντώκεν σο καρδόπο μ’ Ν’ αηλί εμέν! Η σεβντά σ’ έν’ μαχ̌αίριν διπλοακονιγμένον Εντώκεν σο καρδόπο μ’ Ν’ αηλί εμέν!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αηλί | αλίμονο | ἀ- + μεσαιωνική ελληνική ἠλί < εβραϊκά אל (θεός) | |
| αναπαμένον | αναπαυμένο | ||
| αστρόπα | αστεράκια | ||
| έν’ | είναι | ||
| εντώκεν | χτύπησε | ||
| καρδόπο | καρδούλα | ||
| κατηβαίνω | κατεβαίνω | ||
| κοιμούμαι | κοιμάμαι | ||
| λιθάρ’ | λιθάρι, πέτρα | ||
| μαχ̌αίρ’ | μαχαίρι | ||
| ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
| νασάν | χαρά σε | ||
| νερόπα | νεράκια | ||
| ορμία | ρυάκια, ρεματιές | ||
| ορμίν | ρυάκι, ρεματιά | ||
| ραχ̌ίν | βουνό, ράχη | ||
| σεβντά | αγάπη, έρωτας | sevda/sevdā | |
| συντζ̌αίνω | συνομιλώ, συνδιαλέγομαι | συντυχ̌αίνω<συν + τυγχάνω |
¹ Ακούγεται -πιθ. εκ παραδρομής- να τραγουδάει «σ̌υντζεύω» (αδόκ. τύπος)
