Καρσλίδικο

Προβολή Τραγουδιού

Τραγούδια του Πόντου | Ηχογραφήσεις του 1930 (Αρχείο Μέλπως Μερλιέ)

[Και] Τοι σαλτατίων το κορμίν
[και] τρώγ’ν’ α’ οι κορωνάδες
Κουδίζ’νε τ’ ομματόπα τουν, βαχ!
[και] ’κ’ ελέπ’νε οι μανάδες

Για πετέστεν [και] τ’ αδελφόπα μ’
[και] τα στούδι͜α να σωρεύ’νε
Ας ση κορώνας το στόμαν, βαχ!
[και -ν-] ατά να γουρταρεύ’νε

Πέραν ’κει πέραν σο δεντρόν
κάθετ’ η κουκαρίνα
Ντο είδα και -ν- υπόφερα [βαχ!]
[και -ν-] απέσ’ σην καραντίνα!

Έλα τ’ εμόν τσ̌εχέλαινα,
[και -ν-] έλα τ’ εμόν παλάλα
Το κρεβατόπο σ’ εύκαιρον [βαχ!]
[και -ν- αχ!] και τ’ εμόν η εγκάλι͜α

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αδελφόπα	αδελφάκια
απέσ’	μέσα
ατά	αυτά
γουρταρεύ’νε	γλυτώνουν κτ/κπ από, διασώζουν	kurtarmak
εγκάλι͜α	αγκαλιά
ελέπ’νε	βλέπουνε
εμόν	δικός/ή/ό μου	ἐμοῦ
εύκαιρον	(ουδ.) άδειο, αδειανό, (αρσ.) ανόητο, κουφιοκέφαλο
’κ’	δεν	οὐκί<οὐχί
κορωνάδες	κουρούνες, κοράκια
κορώνας	(ή κορόνας, πληθ. τα) οι κουρούνες, μτφ. προσφώνηση γυναικών (για γυναίκες που χήρεψαν), μτφ. καημένες, (γενική, της) κουρούνας, καημένης	κορώνη
κουδίζ’νε	ραμφίζουν
κουκαρίνα	μυθικό πτηνό
κρεβατόπο	κρεβατάκι
ομματόπα	ματάκια
παλάλα	τρελή
πετέστεν	(προστ.) πείτε
σαλτατίων	στρατιωτών	soldat/soldato
στούδι͜α	οστά, κόκκαλα	ὀστοῦν~οστούδιον
σωρεύ’νε	μαζεύουν, συγκεντρώνουν	σωρεύω
τοι	τους/τις
τουν	τους
τρώγ’ν’	τρώνε
τσ̌εχέλαινα	άπειρη, ανώριμη, άβγαλτη	cehil/cehl