Καρδία μ’, για κάθκα καλά

Προβολή Τραγουδιού

Καλλιτέχνες: Ανδρέας Σιδηρόπουλος, Γιάννης Καμπάς, Μπάμπης Κεμανετζίδης

Ατόσα, καρδι͜ά μ’, έσυρες
και ξάι πώς ’κι φοάσαι!
Άμον ραχ̌ίν θα σ̌κίεσαι
σα δύο και θα χάσαι

Καρδία μ’, για κάθκα καλά,
φοούμαι θα ματούσαι
Θα παίρ’νε σε τα αίματα
κι άλλο ’κι θα λαρούσαι

Σ’ άλλον εγάπην ’κ’ έρχ̌εσαι,
εσύ το πονεμένον
Ντό έ͜εις να δί’ς και ντό θα παίρτς,
καρδόπο μ’ πονεμένον;

Καρδία μ’, για κάθκα καλά,
φοούμαι θα ματούσαι
Θα παίρ’νε σε τα αίματα
κι άλλο ’κι θα λαρούσαι

Η χωρισία άψιμον,
κολλίεσαι κι αφήν’ -τ- σε
και παίρτς βρούλαν και κάεσαι,
ποίος θα έρ’ται σβήν’ -τ- σε;

Καρδία μ’, για κάθκα καλά,
φοούμαι θα ματούσαι
Θα παίρ’νε σε τα αίματα
κι άλλο ’κι θα λαρούσαι

Καρδία μ’, για κάθκα καλά,
φοούμαι θα ματούσαι
Θα παίρ’νε σε τα αίματα
κι άλλο ’κι θα λαρούσαι

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αφήν’	αφήνει
άψιμον	φωτιά
βρούλαν	φλόγα	brûler
δί’ς	δίνεις
έ͜εις	έχεις
έρ’ται	έρχεται
έσυρες	έσυρες, τράβηξες, έριξες
’κ’	δεν	οὐκί<οὐχί
κάθκα	(προστ.) κάθισε
καρδόπο	καρδούλα
’κι	δεν	οὐκί<οὐχί
λαρούσαι	γιατρεύεσαι, θεραπεύεσαι
ματούσαι	ματώνεις
ξάι	καθόλου
παίρ’νε	παίρνουν
παίρτς	παίρνεις
ποίος	(ερωτημ.) ποιός, (αναφ.αντων.) όποιος
ραχ̌ίν	βουνό, ράχη
φοάσαι	φοβάσαι
φοούμαι	φοβάμαι
χάσαι	χάνεσαι
χωρισία	χωρισμός