Καστανέα

Προβολή Τραγουδιού

Λελεύω σε, Καστανέα,
με τα κρύα νερά σ’ -ι
Λελεύω τον ανέφορο σ’,
ίλιαμ τη Σουμελάς -ι

Απάν’ σην Καστανέαν,
ση Σουμελάν μερέαν
Τ’ αρνί μ’ ας σην Τσερκόβιαν¹
μυρίζ’ μανουσ̌ακέαν
Τ’ αρνόπο μ’ ας σην Ράχοβαν²
μυρίζ’ τρανταφυλλέαν

Καστανέα, Καστανέα
με τα κρύα νερόπα
Εκεί εγέντον γιατρικόν
τη σεβτάς τα κορτσόπα

Απάν’ σην Καστανέαν,
ση Σουμελάν μερέαν
Τ’ αρνί μ’ ας σην Τσερκόβιαν¹
μυρίζ’ μανουσ̌ακέαν
Τ’ αρνόπο μ’ ας σην Ράχοβαν²
μυρίζ’ τρανταφυλλέαν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αρνόπο	αρνάκι, χαϊδευτική προσφώνηση γυναίκας
ας σην	απ’ την	ασό σην (από την)
εγέντον	έγινε
ίλιαμ	προπαντώς, ιδιαίτερα, ειδικά	illa/illā
κορτσόπα	κοριτσάκια
λελεύω	χαίρομαι
μανουσ̌ακέαν	μυρωδιά μενεξέ/βιολέτας	մանուշակ (manušak)<manafšak
μερέαν	μεριά
νερόπα	νεράκια
σεβτάς	αγάπης, έρωτα	sevda/sevdā
τρανταφυλλέαν	μυρωδιά ρόδου

Σημειώσεις

¹ (ή Τσερκόβιαννη) παλιά ονομασία του χωριού Μικρή Σάντα Ημαθίας
² Παλιά ονομασία του χωριού Ράχη Ημαθίας