Ποντιακός Στίχος

Προβολή Τραγουδιού

Κατεβάστε τους στίχους σε PDF

Ν’ αηλί εμέν

Τραγούδια του Πόντου | Ηχογραφήσεις του 1930 (Αρχείο Μέλπως Μερλιέ)Τραγούδια του Πόντου | Ηχογραφήσεις του 1930 (Αρχείο Μέλπως Μερλιέ)

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιάννης Χαραλαμπίδης


Ν’ αηλί εμέν κι εσέν
ήλε μ’, ήλε μ’, ήλε μ’! Ωφ!
Εγώ ντό θα ’ίνουμαι
χωρίς τη λαλαχ̌ή¹ μ’; Ωφ! ωφ!
Εφέκες έναν χερκελέν μωρά

Τσί θα τερεί ατα; ωφ
Τζ̌άνουμ εγώ ντο να ’ίνουμαι;
Νε θεία! εγώ ντο να ’ίνουμαι;
Νε Πιπή, γουρπάν’ σ’ να ’ίνουμαι
Τσί α’ τερεί άλλο τα μωρά; Τσί α’ ευτάει ατα;
Τσί α’ ’βγάλ’ το ψωμίν ατουν;

Αναθεμά ’τον π’ έλεεν
π’ εντώκεν κι επήρεν τον ήλο μ’! Ωφ!

Ντό έν’ αβούτο ντ’ εποίκες μας ήλε μ’, ήλε μ’;
Τ’ άλογα τσ̌ίζ’νε με σο μαντρίν, ήλε μ’!
Τα πρόγατα σ’ λαλαχ̌εύ’νε σο κομ κέσ’, ήλε μ’
Ν’ αηλί εμέν κι εσέν ήλε μ’, ωφ! ωφ!
Τα χωράφι͜α σ’ περιμέν’νε σε, ήλε μ’
Όλος ο κόσμος επήεν σπέρν’νε, ήλε μ’,
κι εσύ ντο έν’ ντ’ εποίκες μας; ήλε μ’
Ν’ αηλί εμέν την άκλερον,
ν’ αηλί εμέν την κορώναν, την κουτούλαν, ωφ! ωφ!

Ήλιε μ’, επήες σην Σαλονίκην στρατιώτης
κι εγώ απ’ αδά ντ’ ’α εποίν’να κι ετέρ’να;
Εφήκες α’ τσιπλάχαινα, ήλε μ’ ωφ! ωφ!
Εγύρευα με το τσ̌αντάχ’
κι ελάσκουμ’νε κι εφέρ’να τα ψωμίν
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
’αθα
αβούτοαυτό
αδάεδώ
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
άκλερονάκληρο, φτωχό, δύστυχο, ταλαίπωρο
ατααυτά
ατουντους
γουρπάν’θυσία kurban/ḳurbān
εγύρευαζητούσα, επαιτούσα, ζητιάνευα, μτφ. ψαχνόμουν για γυναίκα
ελάσκουμ’νεπεριφερόμουν, τριγυρνούσα, περιπλανιόμουν ἀλάομαι/ηλάσκω
έλεενέλεγε
έν’είναι
εντώκενχτύπησε
επήενπήγε
επήεςπήγες
εποίκεςέκανες, έφτιαξες ποιέω-ῶ
εποίν’ναέκανα, έφτιαχνα ποιέω-ῶ
ετέρ’νακοιτούσα
ευτάεικάνει, φτιάχνει εὐθειάζω
εφέκεςάφησες
εφήκεςάφησες
’ίνουμαιγίνομαι
κέσ’εκεί μέσα, προς τα εκεί κέσου<κεῖσ’<κεῖσε<ἐκεῖσε
κομστάνη, αχυρώνας, αγρόκτημα kom<գոմ (ή/και) εκ των κώμη, kūmh (περσ.)=περίφραξη, κλουβί
λαλαχ̌ήη ανατροφή παιδιών με χάδια
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
πρόγαταπρόβατα
τερείκοιτάει
τζ̌άνουμαγαπημένη canım
’τοναυτόν
τσ̌αντάχ’τσάντα çanta/tança
τσί(τις) ποιός;
τσ̌ίζ’νελυπούνται, συμπονούν σίζω
τσιπλάχαιναγυμνή, μτφ. εξαθλιωμένη çıplak
χερκελένκυρ. κοπάδι άγριων αλόγων, μτφ. κοπάδι, σωρός hergele/ḫargele
Σημειώσεις
¹ Ακούγεται να λέει «λολοχή»

Ποντιακός Στίχος - Pontian Lyrics 2024

Τραγούδια: 8093 | Albums/Singles: 1273 | Συντελεστές: 1655 | Λήμματα: 14443
Επικοινωνία: infoDUMMY@pontianlyrics.gr