Αρνί μ’, σο τσ̌αϊροκόψιμο σ’

Αρνί μ’, σο τσ̌αϊροκόψιμο σ’
έπαρ’ εμέν εργάτη
Τα χορτάρι͜α ντο κόφτομε
ευτάμ’ ατα κρεβάτι

Αφήστε με να τραγωδώ
σ’ αούτο το τσ̌ιμένι
Τ’ εμόν τ’ αρνίν μικρίκον έν’,
χωρίς εμέν ’κι μένει

Τα παρχάρι͜α ερήμωσαν,
ευκαιρώθαν τα χάνια
Άλλο πώς ’κ’ εκελάηδεσαν
τα πουλόπα σ’ ορμάνια;

Τ’ ομμάτι͜α σ’ άμον θάλασσα,
νασάν που κολυμπάει
ατού σ’ άσπρα τα κύματα
και στην εγάπην πάει