Γραία γούρεψον το τραπέζ’

Γραία γούρεψον το τραπέζ’
βάλεν και τα σκαμνία
Ας σο χωράφ’ χα! έρθανε
νυφάδες και παιδία

Τ’ οσπίτ’ θα γομούται χαράν
γέλ’τα και τραγωδίας
Κι η γραία άμον κορτσόπον
ευτάει και τα δουλείας

Ο γέρον με το γαλίον
σιμά και το παστόνι
Σο χ̌έρ’ θα κρατεί το τεζπίχ’
και παίζ’ με το μωρόν -ι

Γραία, για δος με το χ̌έρι σ’
και χάιτε ας πορπατούμε
Αούτο ο κόσμος ψεύτικον,
πόσο κι άλλο θα ζούμε;