Τα μαλλία μ’ άσπρα χιόνια

Προβολή Τραγουδιού

Τα μαλλία μ’ άσπρα χ̌ι͜όνι͜α

Στιχουργοί: Βασίλειος Παπαδόπουλος

Συνθέτες: Βασίλειος Παπαδόπουλος

Καλλιτέχνες: Δημήτρης Ξενιτόπουλος, Παρασκευάς Λαβασάς

Τα μαλλία μ’ άσπρα χ̌ι͜όνι͜α
[Βάι! ν’ αηλί εμέν]
Πώς εδέβανε τα χρόνι͜α;
[Ντό να ’ίνουμαι;]

Πώς εδέβανε τα χρόνι͜α
[Βάι! ν’ αηλί εμέν]
με τα βάσανα, τα πόνια;
[Ντό θα ’ίνουμαι;]

Χρόνι͜α είναι και δι͜αβαίν’νε
[Βάι! ν’ αηλί εμέν]
και κανέναν ’κι αναμέν’νε
[Ντό θα ’ίνουμαι;]

Τα μαλλία μ’ άσπρα χ̌ι͜όνι͜α,
πώς εγέρασα;
Έρθα, ’τράνυνα και φεύω
και ’κ’ εγέλασα

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αναμέν’νε	περιμένουν, αναμένουν
δι͜αβαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
εγέρασα	γέρασα
εδέβανε	(για τόπο) πέρασαν, διέσχισαν (για χρόνο) πέρασαν	διαβαίνω
έρθα	ήρθα
’ίνουμαι	γίνομαι
’κ’	δεν	οὐκί<οὐχί
’κι	δεν	οὐκί<οὐχί
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
πόνια	(ονομ.) πόνοι, (αιτ.) πόνους
’τράνυνα	(ετράνυνα) μεγάλωσα, ανέθρεψα	τρανόω-ῶ
φεύω	φεύγω