Σουμά πάει έναν ορμόπον

Προβολή Τραγουδιού

Καλλιτέχνες: Γεώργιος Κ. Τσιαβδαρίδης, Ευκλείδης Ε. Παγκοζίδης, Ιωάννης Χ. Παγκοζίδης, Κωνσταντίνος Τσιαβδαρίδης

Σουμά πάει έναν ορμόπον,
[γιαρ, γιαρ, γιαρ, τσ̌άνουμ, γιαρ, γιαρ]
πίνω κρύο νερόπον
[Μα την Παναΐαν, λέω!]
Ετέρεσα τα στράτας ι-σ’
[γιαρ, γιαρ, γιαρ, τσ̌άνουμ, γιαρ, γιαρ]
που επέμ’νες πουλόπο μ’/αρνόπο μ’
[Μα την Παναΐαν, λέω!]

Όμοια κι απαράλλαχτα
[γιαρ, γιαρ, γιαρ, γιαρ, γιαρ]
ομοι͜άεις τ’ εμόν τ’ αρνόπον
[Μα την Παναΐαν, λέω!]
Σάεψον εκείνο είσαι
[γιαρ, γιαρ, γιαρ, γιαρ, γιαρ]
και ρούξον σ’ εγκαλιόπο μ’
[Μα την Παναΐαν, λέω!/Είπα μα την Παναΐαν!]

Δόστεν μαχ̌αίρι͜α πίσταυρα,
[γιαρ, γιαρ, γιαρ, γιαρ, γιαρ, γιαρ]
τ’ αρνόπο μ’ να ωρι͜άζω
[Μα την Παναΐαν, λέω!]
Αν έρχουνταν να παίρ’ν’ ατεν,
[γιαρ, γιαρ, γιαρ, γιαρ, γιαρ, γιαρ]
πολλούς θα μαχ̌αιρι͜άζω
[Μα την Παναΐαν, λέω!/Είπα μα την Παναΐαν!]

Γλωσσάρι

Κείμενο	Επεξήγηση	Ετυμ. Ρίζα
απαράλλαχτα	απολύτως όμοια, με απαράλλακτο τρόπο
αρνόπο	αρνάκι, χαϊδευτική προσφώνηση γυναίκας
αρνόπον	αρνάκι, χαϊδευτική προσφώνηση γυναίκας
ατεν	αυτήν
γιαρ	αγαπητός/ή/ό, αγάπη	yâr
εγκαλιόπο	αγκαλίτσα
εμόν	δικός/ή/ό μου	ἐμοῦ
επέμ’νες	απόμεινες
έρχουνταν	έρχονται
ετέρεσα	κοίταξα
νερόπον	νεράκι
ομοι͜άεις	ομοιάζεις, μοιάζεις
ορμόπον	μικρό ρυάκι/μικρή ρεματιά
παίρ’ν’	παίρνουν
πίσταυρα	σταυρωτά, χιαστί
πουλόπο	πουλάκι
ρούξον	(προστ.) πέσε
σάεψον	(προστ.) υπολόγισε, εκτίμησε, λογάριασε	saymak
σουμά	κοντά
στράτας	(ονομ.) δρόμοι, (αιτ.) δρόμους
τσ̌άνουμ	ψυχή μου, αγαπημένε/η μου	canım<can/cān
ωρι͜άζω	προσέχω, φυλάω, επιβλέπω