Σεισμός ’ίνεται, πουλόπο μ’

Σεισμός ’ίνεται, πουλόπο μ’,
το Τικ όντες χορεύεις
Με το φιστάνι σ’ το κοντόν
παλληκάρι͜α μαεύεις

Σεισμός ’ίνεται όντες σ’κώντς
απάν’ το φιστανόπο σ’
Ατσ̌άπα ποίον παλληκάρ’
χ̌αίρεται το κορμόπο σ’;

Σεισμός ’ίνεται, πουλόπο μ’,
σύρ’ ουρανός χαλάζι
Όντες χορεύ’ς σο γόνατον
έρ’ται η γη τρομάζει

Σεισμός, πουλόπο μ’, ’ίνεται,
ποίσον το χατιρόπο μ’
Ο δά̤βολον εγόνεψεν
απέσ’ σο κιφαλόπο μ’