Τη σεβντάς ι-μ’ το πουλίν

Προβολή Τραγουδιού

Καλλιτέχνες: Βασίλης Μιχαηλίδης, Ιορδάνης Γεωργιάδης

Ση καρδίας ι-μ’ το δέντρον,
απάν’ σο ψηλόν κλαδίν
Σα φύλλα απέσ’ χτίζ’ φωλέαν
τη σεβντάς ι-μ’ το πουλίν

Τα φύλλα έταν μαραμένα
και μαράζ’ είχα σην ψ̌η μ’
Και το γιατρικόν θα φέρ’ με
τη σεβντάς ι-μ’ το πουλίν

Κάθεται απάν’ σα κλαδόπα
και -ν- έμορφα κελαηδεί
Και χαράν έγκεν σο ψ̌όπο μ’
τη σεβντάς ι-μ’ το πουλίν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
έγκεν	έφερε
έμορφα	όμορφα
έταν	ήταν
καρδίας	(τη, γεν.) καρδιάς, (τα, ονομ. πληθ.) καρδιές
κλαδόπα	κλαδάκια
σεβντάς	αγάπης, έρωτα	sevda/sevdā
φέρ’	φέρνω/ει
φωλέαν	φωλιά
ψ̌η	ψυχή
ψ̌όπο	ψυχούλα