Το όρωμαν

Προβολή Τραγουδιού

Στιχουργοί: Βασίλης Μιχαηλίδης, Ιορδάνης Γεωργιάδης

Καλλιτέχνες: Βασίλης Μιχαηλίδης, Ζανέτα Γεωργιάδου, Ιορδάνης Γεωργιάδης

Απόψ’ είδα σε, πουλί μ’,
σ’ όρωμα μ’, σ’ όρωμα μ’
Έσ’νε απέσ’ σην εγκάλα̤ μ’
Έλα, πουλί μ’, έλα
σην εγκάλα̤ μ’ έμπα
Έλα, πουλί μ’, λέγω,
το ψ̌όπο σ’ λελεύω!

Εφίλ’νες με, πουλί μ’,
και -ν- έλεες, έλεες
«Εσύ είσαι η καρδι͜ά μ’»
Έλα, πουλί μ’, έλα
σην εγκάλα̤ μ’ έμπα
Έλα, πουλί μ’, λέγω,
το ψ̌όπο σ’ λελεύω!

Όντες εδέβε, πουλί μ’,
η βραδή, η βραδή
Βάι! και το πρωίν εσ’κώθα
Έλα, πουλί μ’, έλα
σην εγκάλα̤ μ’ έμπα
Έλα, πουλί μ’, λέγω,
το ψ̌όπο σ’ λελεύω!

Μικρόν αρνί μ’, σο γιάνι μ’
’κ’ είδα σε, ’κ’ είδα σε
σα δά̤κρα̤ εγομώθα
Έλα, πουλί μ’, έλα
σην εγκάλα̤ μ’ έμπα
Έλα, πουλί μ’, λέγω,
το ψ̌όπο σ’ λελεύω!

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
γιάνι	πλάι, πλευρό	yan
δά̤κρα̤	δάκρυα
εγκάλα̤	αγκαλιά
εγομώθα	γέμισα
έλεες	έλεγες
έμπα	(προστ.) μπες
εσ’κώθα	σηκώθηκα
έσ’νε	ήσουν
εφίλ’νες	φιλούσες
’κ’	δεν	οὐκί<οὐχί
λελεύω	χαίρομαι
όντες	όταν
όρωμα	όνειρο
ψ̌όπο	ψυχούλα