Προβολή Τραγουδιού
Μακεδονία ξακουστέσσα |
Ποντιακό πάρτυΣτιχουργοί: Βασίλειος Παπαδόπουλος
Συνθέτες: Βασίλειος Παπαδόπουλος
Καλλιτέχνες: Γιάννης Φλωρινιώτης, Σταυρούλα Στεφανίδου
Ζήτω η Μακεδονία! Μακεδονία ξακουστέσσα, του Αλεξάνδρου η χώρα Τ’ Ελλάδος τ’ έμορφον καμάρ’ ατότε και ατώρα Μακεδονία ξακουστέσσα, του Αλεξάνδρου η χώρα Τ’ εσόν η γη εγέννεσεν ρωμαίικα παλληκάρι͜α, το Φίλιππον κι Αλέξανδρον, τ’ Ελλάδας τα καμάρι͜α Κι ατώρα λέγ’νε μερικοί πως τάχα ’κ’ είσαι ελληνική! Μακεδονία, τ’ έμορφα σ’ τα μέρι͜α ούλ’ ζελεύ’νε και τ’ έμορφον το όνομα σ’ άλλ’ θέλ’νε για να παίρ’νε Μακεδονία, τ’ έμορφα σ’, τα μέρι͜α ούλ’ ζελεύ’νε Ὰμα εσύ είσαι ελληνική, γνωστόν η ιστορία σ’ Λέγ’ν’ ατο ούλ’ οι παλαιοί κι ατώρα τα παιδία σ’ Τ’ εμέτερον καρδίαν και ψ̌ην, Μακεδονία μουν εσύ! Θεσσαλονίκη, Φλώρινα, Κοζάνη και η Δράμα Καβάλα, Σέρρες, Καστοριά κι η Κατερίνη εντάμαν Θεσσαλονίκη, Φλώρινα, Κοζάνη και η Δράμα Η Βέροια και το Κιλκίς, ατά τ’ έμορφα μέρι͜α τσ̌ιτσ̌άκια έν’ τ’ Αλέξανδρου, τ’ Ελλάδας περιστέρι͜α Μακεδονία, σο λάλεμα σ’ ούλ’ θά ’μες σο εγκάλεμα σ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ὰμα | αλλά | ama/ammā | |
| ατά | αυτά | ||
| ατότε | τότε | ||
| ατώρα | τώρα | ||
| εγέννεσεν | γέννησε | ||
| εγκάλεμα | έγκληση, καταγγελία | ||
| εμέτερον | δικός/ή/ό μου | ἡμέτερος | |
| έμορφα | όμορφα | ||
| έμορφον | όμορφο | ||
| έν’ | είναι | ||
| εντάμαν | μαζί | ||
| εσόν | δικός/ή/ό σου | ||
| ζελεύ’νε | ζηλεύουν | ||
| θέλ’νε | θέλουν | ||
| ’κ’ | δεν | οὐκί<οὐχί | |
| λάλεμα | λαλιά, κάλεσμα, αποκάλεσμα, προσκάλεσμα, οδήγηση | ||
| λέγ’ν’ | λένε | ||
| λέγ’νε | λένε | ||
| μέρι͜α | μέρη | ||
| μουν | μας | ||
| ξακουστέσσα | ξακουστή | ||
| ούλ’ | όλοι | ||
| παιδία | παιδιά | ||
| παίρ’νε | παίρνουν | ||
| παλαιοί | παλιοί | ||
| ρωμαίικα | (τουρκ. Rumca) η γλώσσα των Ρωμιών, η ποντιακή γλώσσα, αυτά που είναι των Ρωμιών γενικά | ||
| τσ̌ιτσ̌άκια | λουλούδια | çiçek | |
| χώρα | οι ξένοι γενικά, οι μη οικείοι, η ξενιτειά | ||
| ψ̌ην | ψυχή |
