Αρνί μ’, τον τόπον ντο τερείς

Προβολή Τραγουδιού

Ποντιακοί σεβντάδες - Τέρε με, κόρ’, τέρε με

Καλλιτέχνες: Γιώργος Ακριβόπουλος, Μάκης Γραντζίδης

Αρνί μ’, τον τόπον ντο τερείς
χορτάρι͜α ’κι φυτρών’νε [αμάν]
Τα δέντρα όλια ’μαρέθανε
και -ν- άλλο ’κι κλαδών’νε [αμάν]

’Κχ̌ύσον νερόν και πότ’σον α’
τ’ έρημον το ταφόπο μ’ [αμάν]
Ας πρασινίζ’νε τα δεντρά
κι ευτάν’ σα̤ρίν σον τόπο μ’ [αμάν]

Αρνί μ’, κανείται άλλο μη κλαις,
ανάσπαλον και δέβα [αμάν]
Όντες κρούγω εγώ σο νου σ’
το χρόνον μίαν έλα [αμάν]

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
ανάσπαλον	(προστ.) ξέχασε
δέβα	(προστ.) πήγαινε
ευτάν’	κάνουν, φτιάχνουν	εὐθειάζω
κανείται	φτάνει, είναι αρκετό
’κι	δεν	οὐκί<οὐχί
κλαδών’νε	βγάζουν κλαδιά
κρούγω	χτυπώ	κρούω
’κχ̌ύσον	(προστ.) έκχυσε, χύσε, έκβαλε	εκχύνω<ἐγχέω< ἐν + χέω
’μαρέθανε	(εμαρέθανε) μαράθηκαν
μίαν	μια φορά
όλια	όλα
όντες	όταν
πότ’σον	(προστ.) πότισε
πρασινίζ’νε	πρασινίζουν
σα̤ρίν	δροσιά	serin
ταφόπο	(υποκορ.) τάφος
τερείς	κοιτάς
φυτρών’νε	φυτρώνουν