Αδέλφα είμες και ’κι πρέπ’

Προβολή Τραγουδιού

Καλλιτέχνες: Γιωργούλης Παπαδόπουλος, Χρήστος Παπαδόπουλος

[Και -ν-] Αδέλφα̤ είμες και ’κι πρέπ’
[και] να ζούμε χωρισμένα
[Έι!/Και -ν-] Ασ’ έναν μάναν ένουμ’νες
[έι!] και από κύρ’ πα έναν

Τ’ αδελφίων την χαράν
κανείς ’κι πρέπ’ να χαλάν’
γιατί έχ’νε ίδιον αίμαν,
πρέπ’ να ζούνε αγαπημένα

[Και] Τ’ αδέλφα̤ όποιος χωρίζ’
[και] τρανόν κακόν ευτάει
[Και] Σην πόρταν ατ’ [και] να μη φυτρών’
[και] δεντρόπον, νέ χορτάρι

[Και] Τα χ̌έρα̤ ξαν ας δίγουμε
[έι!] κι είμες αγαπημένα
[Έι!] Έν’ αμαρτίαν κι εντροπήν
[και -ν-] αδέλφα̤ χωρισμένα

Τ’ αδελφίων την χαράν
κανείς ’κι πρέπ’ να χαλάν’
γιατί έχ’νε ίδιον αίμαν,
πρέπ’ να ζούνε αγαπημένα

Γλωσσάρι

Κείμενο	Επεξήγηση	Ετυμ. Ρίζα
αδέλφα̤	αδέλφια
ασ’	από
δεντρόπον	δεντράκι
δίγουμε	δίνουμε
είμες	είμαστε
έν’	είναι
ένουμ’νες	γίναμε, καταντήσαμε
εντροπήν	ντροπή
ευτάει	κάνει, φτιάχνει	εὐθειάζω
έχ’νε	έχουνε
’κι	δεν	οὐκί<οὐχί
κύρ’	πατέρα
νέ	ούτε	ne
ξαν	πάλι, ξανά
πα	πάλι, επίσης, ακόμα
πρέπ’	ταιριάζει/ω
χ̌έρα̤	χέρια
χαλάν’	χαλάω/ει, καταστρέφω/ει
χωρίζ’	χωρίζει, ξεχωρίζει, ξεδιαλέγει