Πίνω, τσακώνω και μεθώ

Προβολή Τραγουδιού

Καλλιτέχνες: Θόδωρος Παυλίδης, Παύλος Καλαϊτζίδης

Το στέκι μ’ είν’ τα ταβέρνας
εκειαπέσ’ ησυχάζω
Πίνω, τσακώνω και μεθώ
καν’νάν ’κι λογαρι͜άζω

Το κρασίν εγώ πίν’ ατο
ολίγον να ’νεσπάλλω
Τα τερτόπα ντ’ επέρασα
μετ’ ατό επεβγάλλω

Αν κάθουμαι και πίνω εγώ
σουμά μ’ καν’νάν ’κι θέλω
Γιατί ό,τι έχω μπροστά μ’
όλα̤ εγώ τσ̌αρτεύω

Το χάραμαν τ’ ανατολής
ευρήκ’ με μεθυσμένον
Ελέπ’ με το μικρόν τ’ αρνί μ’
σ̌ασ̌εύω κι απομένω

Γλωσσάρι

Κείμενο	Επεξήγηση	Ετυμ. Ρίζα
είν’	(για πληθ.) είναι
εκειαπέσ’	εκεί μέσα
ελέπ’	βλέπει/βλέπω
επεβγάλλω	ξεπληρώνω, ανταποδίδω, επανορθώνω
ευρήκ’	βρίσκω/ει
καν’νάν	κανέναν
’κι	δεν	οὐκί<οὐχί
μετ’	μαζί με (με αιτιατική), με (τρόπος)
’νεσπάλλω	(ανεσπάλλω) ξεχνώ
ολίγον	λίγο
πίν’	πίνει
σ̌ασ̌εύω	σαστίζω, τα έχω χαμένα	şaşmak
σουμά	κοντά
τερτόπα	(υποκορ.) καημοί, βάσανα, στενοχώριες	dert
τσακώνω	σπάζω, θραύω, τσακίζω
τσ̌αρτεύω	σκορπώ