Τη Τσοφούλας η σεβντά

Προβολή Τραγουδιού

Καλλιτέχνες: Βασούλα Ευθυμιάδου, Νίκος Τσιμαχίδης

Αγαπώ, μανίτσα μ’, την Τσ̌οφούλα
για τ’ ατέν την ψ̌η μ’ θα δίω σον Θεόν
Γιατί, μάνα, μόνον η Τσ̌οφούλα
τη γεράν ντο έχω θα λαρών’

Τρέχω, όλον τρέχω
κι ησυχίαν ’κ’ έχω
την Τσ̌οφούλα μ’ πάντα ονειρεύκουμαι
Έχασα την υεία μ’
και την ησυχία μ’
Αχ! και τώρα πώς θα γιατρεύκουμαι;

Δύο χρόνι͜α πονεμένα φαρμάκια
Τη σεβντάς τα τέρτι͜α όλα̤ έσυρα
Την Τσ̌οφούλα θέλω κι έναν καλυβόπον
και παιδόπα τρία-τέσσερα

Τρέχω, όλον τρέχω
κι ησυχίαν ’κ’ έχω
την Τσ̌οφούλα μ’ πάντα ονειρεύκουμαι
Έχασα την υεία μ’
και την ησυχία μ’
Αχ! και τώρα πώς θα γιατρεύκουμαι;

Το χωρίον όλιον θα καλώ σο γάμον
να χορεύ’νε και να χ̌αίρουνταν
Να πίν’νε ρακόπον, να πίν’νε κρασόπον
την Τσ̌όφαν κι εμέν θα εύχουνταν

Τρέχω, όλον τρέχω
κι ησυχίαν ’κ’ έχω
την Τσ̌οφούλα μ’ πάντα ονειρεύκουμαι
Έχασα την υεία μ’
και την ησυχία μ’
Αχ! και τώρα πώς θα γιατρεύκουμαι

Γλωσσάρι

Κείμενο	Επεξήγηση	Ετυμ. Ρίζα
ατέν	αυτήν
γεράν	πληγή, τραύμα	yara
δίω	δίνω
έσυρα	έσυρα, τράβηξα, έριξα
’κ’	δεν	οὐκί<οὐχί
καλυβόπον	καλυβάκι
κρασόπον	κρασάκι
λαρών’	γιατρεύει, θεραπεύει
όλιον	όλο, ολόκληρο
ονειρεύκουμαι	ονειρεύομαι
παιδόπα	παιδάκια
πίν’νε	πίνουν
ρακόπον	(υποκορ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī + -όπον
σεβντάς	αγάπης, έρωτα	sevda/sevdā
τέρτι͜α	καημοί, βάσανα, στενοχώριες	dert
υεία	υγεία
χ̌αίρουνταν	χαίρονται
χορεύ’νε	χορεύουν
ψ̌η	ψυχή

Προβολή Τραγουδιού

Τη Τσ̌οφούλας η σεβντά