Αρνί μ’, το πόι σ’ αγαπώ

Αρνί μ’, το πόι σ’ αγαπώ,
[πουλί μ’, αγαπώ/ντό να ’ίνουμαι;]
άμον τα λουλουδόπα
[ντό να ’ίνουμαι;/βάι! ν’ αϊλί εμέν!]
ντο παίρω και φιλώ ατα
[πουλί μ’, φιλώ ατα/ντό να ’ίνουμαι;]
απέσ’ σα πεταλόπα
[ντό να ’ίνουμαι;/βάι! ν’ αϊλί εμέν!]

Κόκκινα τριαντάφυλλα
[τριαντάφυλλα/ντό να ’ίνουμαι;]
εκράτ’να σα χ̌ερόπα μ’
[ντό να ’ίνουμαι;/βάι! ν’ αϊλί εμέν!]
Είδα την εμορφάδα σου
[εμορφάδα σου/ντό να ’ίνουμαι;]
κι ερρούξαν τα φυλλόπα
[ντό να ’ίνουμαι;/βάι! ν’ αϊλί εμέν!]

Το πόι σ’, τα στομόχ̌ειλα σ’
[τα στομόχ̌ειλα σ’/ντό να ’ίνουμαι;]
εχρά̤ζ’νε τα τσ̌ιτσ̌έκια
[ντό να ’ίνουμαι;/βάι! ν’ αϊλί εμέν!]
Εγροίκ’σαν είσαι έμορφος
[είσαι έμορφος/ντό να ’ίνουμαι;]
εχάθανε σ’ αυλάκια
[ντό να ’ίνουμαι;/βάι! ν’ αϊλί εμέν!]