Είσαι μαεμένον

Προβολή Τραγουδιού

Στιχουργοί: Γιάννης Καραπαναγιωτίδης

Καλλιτέχνες: Γιάννης Καραπαναγιωτίδης, Γιώργος Δημητριάδης, Μπάμπης Κεμανετζίδης

Η σεβντά τ’ εσόν, πουλόπο μ’,
έφαεν την καρδία μ’
Όντες παίρτς με σην εγκάλα̤ σ’
λαρούτ’ η γερὰ μ’

Είσαι μαεμένον και πάντα κλαμένον
Τα τερτόπα σ’, τα ναζόπα σ’,
τα τσ̌αλίμα̤ σ’ και τα κάλλα̤ σ’
εγώ αγαπώ

’Κι χορτάζω να τερώ σε
ας σο βράδυ ους το πρωί
Εγώ θα παίρω σε, κορτσόπον,
και για όλεν τη ζωή

Είσαι μαεμένον και πάντα κλαμένον
Τα τερτόπα σ’, τα ναζόπα σ’,
τα τσ̌αλίμα̤ σ’ και τα κάλλα̤ σ’
εγώ αγαπώ

Τ’ ομμάτα̤ σ’ και τα χ̌ειλόπα,
κορτσόπον μελαχρινόν
θα φιλώ ατα γλυκέα
η ψ̌η μ’ ους να εβγών’

Είσαι μαεμένον και πάντα κλαμένον
Τα τερτόπα σ’, τα ναζόπα σ’,
τα τσ̌αλίμα̤ σ’ και τα κάλλα̤ σ’
εγώ αγαπώ

Γλωσσάρι

Κείμενο	Επεξήγηση	Ετυμ. Ρίζα
ας σο	απ’ το	ασό σο (από το)
ατα	αυτά
γερὰ	πληγή, τραύμα	yara
γλυκέα	(επιρρ.) γλυκά
εβγών’	βγαίνει
εγκάλα̤	αγκαλιά
εσόν	δικός/ή/ό σου
έφαεν	έφαγε
κάλλα̤	κάλλη
’κι	δεν	οὐκί<οὐχί
κορτσόπον	κοριτσάκι
λαρούτ’	γιατρεύεται
μαεμένον	μαγεμένος/ο
ναζόπα	ναζάκια, σκερτσάκια	naz/nāz
όλεν	όλη/ο, ολόκληρη/ο
ομμάτα̤	μάτια
όντες	όταν
ους	ως, μέχρι
παίρτς	παίρνεις
παίρω	παίρνω
πουλόπο	πουλάκι
σεβντά	αγάπη, έρωτας	sevda/sevdā
τερτόπα	(υποκορ.) καημοί, βάσανα, στενοχώριες	dert
τερώ	κοιτώ
τσ̌αλίμα̤	επιδέξιες κινήσεις (σε χορό κ.ά.), σκέρτσα, καμώματα	çalım
χ̌ειλόπα	χειλάκια
χορτάζω	χορταίνω
ψ̌η	ψυχή