Απόψ’ ορωματιάγα σε

Προβολή Τραγουδιού

Σο καρδόπο μ’ το σεβνταλίν
τρανόν γιαγκούν πϊάνει
Απόψ’ ορωματι͜άγα σε,
παρχαρί’ τουτουγιάνι

Απόψ’ είδα έναν όραμαν,
με τ’ αρνί μ’ επορπάτ’να
Η στράτα έτονε παΐρ’,
το χ̌έρ’ν αθε εκράτ’να

Απόψ’ είδα σε σ’ όρωμα μ’
κι ας ση χαρά μ’ εγνέφ’σα
Αράεψα και ’κ’ εύρα σε,
πολλά δακρόπα έκχ̌’σα

Γλωσσάρι

Κείμενο	Επεξήγηση	Ετυμ. Ρίζα
αθε	του/της
αράεψα	έψαξα, αναζήτησα, γύρεψα	aramak
γιαγκούν	φωτιά	yangın
δακρόπα	(υποκορ.) δάκρυα
εγνέφ’σα	ξύπνησα
εκράτ’να	κρατούσα
έκχ̌’σα	εξέχυσα, έχυσα, εξέβαλα	εκχύνω<ἐγχέω< ἐν + χέω
επορπάτ’να	περπατούσα
έτονε	ήταν
εύρα	βρήκα, (ιδιωμ. προστ.) βρες
’κ’	δεν	οὐκί<οὐχί
καρδόπο	καρδούλα
όραμαν	όνειρο
όρωμα	όνειρο
ορωματι͜άγα	ονειρεύτηκα
παΐρ’	πλαγιά βουνού, άδενδρη κατωφέρεια	bayır
παρχαρί’	θερινού βοσκότοπου (παρχαριού)
πολλά	(επίθ.) πολλά, (επίρρ.) πολύ
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
τουτουγιάνι	το φυτό αμάραντος (Helichrysum stoechas – Ελίχρυσος ο πολύτιμος)	dudiye otu/tutuya
χ̌έρ’ν	χέρι