Προβολή Τραγουδιού
Πάει να ξημερώσει |

Στιχουργοί: Γιώργος Δημητριάδης
Συνθέτες: Γιώργος Δημητριάδης
Καλλιτέχνες: Γιώργος Δημητριάδης, Γιωργούλης Κουγιουμτζίδης
Οσήμερον και το κόρασ̌ον [Χάραξεν κι η ανατολή] δύο καρδόπα έχει [Πάει να ξημερώσει] Τ’ έναν αφήνει ση κυρού [Χάραξεν κι η ανατολή] και τ’ άλλο παίρ’ και πάει [Πάει να ξημερώσει] Σήμερον και το κόρασον [Χάραξεν κι η ανατολή] δύο πόρτας ανοίγει [Πάει να ξημερώσει] Τ’ έναν ανοίγει κι ασπαλίζ’ [Χάραξεν κι η ανατολή] Τ’ άλλον ανοί͜ει κι εμπαίνει [Πάει να ξημερώσει] Σήμερον μαύρος ουρανός, [Χάραξεν κι η ανατολή] σήμερον μαύρη ημέρα [Πάει να ξημερώσει] Σήμερον ξεχωρίγουνταν [Χάραξεν κι η ανατολή] μάνα και θυγατέρα/θι͜αγατέρα [Πάει να ξημερώσει] Σήμερον άλλος ουρανός, [Χάραξεν κι η ανατολή] σήμερον άλλη ημέρα [Πάει να ξημερώσει] Σήμερον στεφανώνεται [Χάραξεν κι η ανατολή] αητέντς την περιστέραν [Πάει να ξημερώσει]
Κείμενο | Επεξήγηση | Ετυμ. Ρίζα | Προέλευση |
---|---|---|---|
αητέντς | αητός | ||
ανοί͜ει | ανοίγει | ||
ασπαλίζ’ | σφαλίζει κτ, κλείνει κτ εντελώς/πολύ καλά | ||
καρδόπα | καρδούλες | ||
κόρασον | κορίτσι | ||
κόρασ̌ον | κορίτσι | ||
κυρού | πατέρα | ||
ξεχωρίγουνταν | ξεχωρίζονται | ||
οσήμερον | σήμερα | ||
παίρ’ | παίρνω/ει | ||
πόρτας | (ονομ.πληθ.) πόρτες | porta |