Απόψ’ είδα σε σ’ όρωμα μ’

Απόψ’ είδα σε σ’ όρωμα μ’
κι ας ση χαρά μ’ εκούξα
Εσ’κώθα και -ν- ετέρεσα,
ας σο κρεβάτ’ ερρούξα
[ας σο κρεβάτ’ ερρούξα]

Απόψ’ είδα σο όρωμα μ’
ερρούξεν το γεργάνι μ’
Εγνέφ’σα και -ν- ετέρεσα,
κορίτσ’ έτον σο γιάνι μ’!
[κορίτσ’ έτον σο γιάνι μ’!]

Κόκκινα μάγ’λα πη φιλεί
πώς να μη λείχ̌’¹ τα χ̌είλια τ’;
Πώς να μη τσακών’ τα δόντι͜α τ’,
ματών’ και τα γριντζίλι͜α τ’
[Κι αμ’ ντό, κι αμ’ ντό;
Κι αμ’ ντό, κι αμ’ ντό;
ματών’ και τα γριντζίλια τ’]