Άσ̌κεμα συ μαθεμέντσα

Άσ̌κεμα συ μαθεμέντσα,
όλι͜α θέλτς και να μαεύ’ς α’
Σην οτάν εμείς να πάμε
θα λέγω σε ντό να ’φτάμε

Έν’ το τέρεμαν τ’ εσόν -ι
και -ν- εμένα παλαλώνει
Σ’ εμέτερα έλα, πάμε
να φιλώ σε και -ν- ας χάμαι

Όπου στρώντς αέτσ’ κοιμάσαι
τα δι͜αβολέματα σ’ άσε
Ό,τι κι αν εσύ ευτάς
θα ευρήκ’ς ατα μπροστά σ’

Έν’ το τέρεμαν τ’ εσόν -ι
και -ν- εμένα παλαλώνει
Σ’ εμέτερα έλα, πάμε
να φιλώ σε και -ν- ας χάμαι

Ό,τι κι αν εσύ ευτάς
αγαπώ σε, μ’ ανασπάλλτς
Χωρίς εσέν ’κ’ επορώ
σον κόσμον απάν’ να ζω

Έν’ το τέρεμαν τ’ εσόν -ι
και -ν- εμένα παλαλώνει
Σ’ εμέτερα έλα, πάμε
να φιλώ σε και -ν- ας χάμαι