Τη μάνα σ’ έπαρ’ την ευχήν

Προβολή Τραγουδιού

Καλλιτέχνες: Γιώργος Δημητριάδης, Γιωργούλης Κουγιουμτζίδης

Την μάναν μη χολιάζετεν,
βαρύν λόγον μη λέτεν
Εγάπην μόνον δώστε͜ ατεν
γλυκέα λόγια πέτεν

Η μάνα πάντα γίνεται
γουρπάν’ για τα παιδία τ’ς
κι όντες ακούει πικρόλογα
κάεται η καρδία τ’ς

[Και -ν-] Όντες γερά και ’κ’ επορεί
κι έχ̌’ σα μαλλία χ̌ι͜όνι͜α
ατότε θέλ’ να χ̌αίρεται
παιδία και εγγόνι͜α

[Και] Τη μάνας έπαρ’ την ευχ̌ήν,
παιδόπον, μ’ ερωτάς-ι
Σ’ εσέν τουσ̌μάνον, νέ κακόν
θ’ ευρίγουν εμπροστά σ’-ι

Γλωσσάρι

Κείμενο	Επεξήγηση	Ετυμ. Ρίζα
ατεν	αυτήν
γερά	γερνάει
γλυκέα	(επιρρ.) γλυκά
γουρπάν’	θυσία	kurban/ḳurbān
εμπροστά	μπροστά, πρωτύτερα
έπαρ’	πάρε (προστ.)
επορεί	μπορεί
ερωτάς	ρωτάς
ευρίγουν	βρίσκονται
έχ̌’	έχει
’κ’	δεν	ουκί<οὐχί
κάεται	καίγεται
λέτεν	λέτε
νέ	ούτε	ne
όντες	όταν
παιδία	παιδιά
παιδόπον	παιδάκι
πέτεν	πείτε (προστ.)
τουσ̌μάνον	εχθρός, εχθρό	düşman/duşmān

Προβολή Τραγουδιού

Τη μάνα σ’ έπαρ’ την ευχ̌ήν