Μάνα είμαι, εγροικώ

Προβολή Τραγουδιού

Καλλιτέχνες: Γιώργος Ατματσίδης, Μαρία Κεμεκενίδου

expand_content

Μανίτσα είμαι, εγροικώ
ας ση μάνας τον πόνον
Εξέρτς ντό έν’ έναν παιδίν
να φέρτς ατο σον κόσμον;

Είνας μάνα εγροικά 
τοι μανάδες ση ζωήν
Εύκολο δουλεία ’κ’ έν’
να τρανύντς έναν παιδίν

Κι ύστερα να τρανύντς ατο
με πόνα̤ και θυσίας
Να συντρομάζ’ τ’ απάν’ αθε
και λύεται η καρδία σ’

Μάνα είμαι, εγροικώ
τοι μανάδες ση ζωήν
Εύκολο δουλεία ’κ’ έν’
να τρανύντς έναν παιδίν

Και σην αρρώστιαν το τρανόν
να ξενυχτάς και χάσαι
Σο γιάν’ αθε με προσευχάς
νυχτάς να μη κοιμάσαι

Είνας μάνα εγροικά 
τοι μανάδες ση ζωήν
Εύκολο δουλεία ’κ’ έν’
να τρανύντς έναν παιδίν

Τα κόπι͜α¹ τ’ς η μάνα χαλάλ’
ευτάει για το παιδίν ατ’ς
Κι όντες ανοί’ φτερά και φεύ’
πετά με την ευχ̌ήν ατ’ς

Μάνα είμαι, εγροικώ
τοι μανάδες σην ζωήν
Εύκολο δουλεία ’κ’ έν’
να τρανύντς έναν παιδίν

Γλωσσάρι

Κείμενο	Επεξήγηση	Ετυμ. Ρίζα
αθε	του/της
ανοί’	ανοίγει
απάν’	πάνω
ατ’ς	αυτής, της
γιάν’	πλάι, πλευρά	yan
δουλεία	δουλειά, εργασία
εγροικά	καταλαβαίνει
εγροικώ	καταλαβαίνω
είνας	ένας/μία
έν’	είναι
εξέρτς	ξέρεις, γνωρίζεις
ευτάει	κάνει, φτιάχνει	εὐθειάζω
’κ’	δεν	οὐκί<οὐχί
λύεται	λιώνει
όντες	όταν
πόνα̤	(αιτ.) πόνοι, πόνους
συντρομάζ’	τρέμει ολόκληρος/η/ο
τοι	τους/τις
τρανύντς	μεγαλώνεις, αναθρέφεις	τρανόω-ῶ
φέρτς	φέρεις, φέρνεις
φεύ’	φεύγει
χαλάλ’	κάτι που θυσιάζεται, προσφέρεται, ξοδεύεται με ευχαρίστηση, αν και είναι πολύτιμο ή κοστίζει πολλά	helal/ḥalāl
χάσαι	χάνεσαι

Σημειώσεις

¹ Αδόκιμος τύπος αντί του ορθού στην ποντιακή «κόπους»