Προβολή Τραγουδιού
Η εγάπ’ ενθύμια αφήν’ |
Έλα, τραγώδ’Στιχουργοί: Βασίλης Μωυσιάδης
Συνθέτες: Δημήτρης Τεπερεκίδης
Καλλιτέχνες: Γιώργος Ατματσίδης, Μαρία Κεμεκενίδου
Νόμος ’κ’ έν’ για την εγάπην σον κόσμον απάν’ πουθέν Χωρίς να ρωτά κανέναν σα καρδίας έρ’ται εμπαίν’ Όθεν πάει και κρούει η εγάπην πάντα ενθύμια αφήν’ Άλλος έχ̌’ γεράν σο ψ̌όπον κι άλλος μέρα-νύχτα πίν’ Κανείς σον κόσμον ’κ’ εγροίκ’σεν τη εγάπ’ς το μυστικόν Άμα θέλ’ δί’ σε χαράν κι άμα θέλ’ κρούει και ματών’ Όθεν πάει και κρούει η εγάπην πάντα ενθύμια αφήν’ Άλλος έχ̌’ γεράν σο ψ̌όπον κι άλλος μέρα-νύχτα πίν’ ’Κ’ επορείς να γουρταρεύ’ς α’ τη εγάπης την πελι͜άν Κι ούλ’ σο καρδόπον βαθέαν έχουμε κι έναν γεράν Όθεν πάει και κρούει η εγάπην πάντα ενθύμια αφήν’ Άλλος έχ̌’ γεράν σο ψ̌όπον κι άλλος μέρα-νύχτα πίν’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| απάν’ | πάνω | ||
| αφήν’ | αφήνει | ||
| βαθέαν | βαθιά | ||
| γεράν | πληγή, τραύμα | yara | |
| γουρταρεύ’ς | γλυτώνεις κτ/κπ από, διασώζεις | kurtarmak | |
| δί’ | δίνει | ||
| εγάπ’ς | αγάπης | ||
| εγροίκ’σεν | κατάλαβε | ||
| εμπαίν’ | μπαίνει | ||
| έν’ | είναι | ||
| επορείς | μπορείς | ||
| έρ’ται | έρχεται | ||
| έχ̌’ | έχει | ||
| ’κ’ | δεν | οὐκί<οὐχί | |
| καρδίας | (τη, γεν.) καρδιάς, (τα, ονομ. πληθ.) καρδιές | ||
| καρδόπον | καρδούλα | ||
| κρούει | χτυπάει | κρούω | |
| ματών’ | ματώνει | ||
| όθεν | όπου, οπουδήποτε, σε όποιον | ||
| ούλ’ | όλοι | ||
| πελι͜άν | βάσανο, σκοτούρα | bela | |
| πίν’ | πίνω/ει | ||
| πουθέν | πουθενά | ||
| ψ̌όπον | ψυχούλα |
