Προβολή Τραγουδιού
Ατά τ’ ομμάτι͜α σ’ τ’ έμορφα |
Ατά τ’ ομμάτι͜α σ’ τ’ έμορφαΣτιχουργοί: Βασίλης Μωυσιάδης
Συνθέτες: Δημήτρης Τεπερεκίδης
Καλλιτέχνες: Δημήτρης Τεπερεκίδης, Σάκης Πογέλης
Ατά τ’ ομμάτι͜α σ’ τ’ έμορφα τερώ, ψ̌η μ’, και μαεύω Κι αν έ͜εις εγάπην για τ’ εμέν σην καρδι͜ά σ’ αραεύω Για δος, πουλόπο μ’, τη χαράν σ’ εμόν πα τη καρδίαν Να σβήνω ας σα χ̌ειλόπα σ’ ντ’ επέραν την φωτίαν Ατά τ’ ομμάτι͜α σ’ τ’ έμορφα τερώ, ψ̌η μ’, και μαεύω Κι αν έ͜εις εγάπην για τ’ εμέν σην καρδι͜ά σ’ αραεύω Κρυφόν εγάπην ’κι ’ίνεται, γεράδες θα γομούται Σ’ ομμάτι͜α σ’ ή σα χ̌ειλόπα σ’ κάπου θα φανερούται Για δος, πουλόπο μ’, τη χαράν σ’ εμόν πα τη καρδίαν Να σβήνω ας σα χ̌ειλόπα σ’ ντ’ επέραν την φωτίαν Ατά τ’ ομμάτι͜α σ’ τ’ έμορφα τερώ, ψ̌η μ’, και μαεύω Κι αν έ͜εις εγάπην για τ’ εμέν σην καρδι͜ά σ’ αραεύω Το¹ πρόσωπο σ’ ας σ’ άψιμον επέρεν κι εκοκκίντσεν Κι ένα δακρόπον τη εγάπ’ς σο μάγ’λο σ’ πώς εκύλτσεν¹ Για δος, πουλόπο μ’, τη χαράν σ’ εμόν πα τη καρδίαν Να σβήνω ας σα χ̌ειλόπα σ’ ντ’ επέραν την φωτίαν Ατά τ’ ομμάτι͜α σ’ τ’ έμορφα τερώ, ψ̌η μ’, και μαεύω Κι αν έ͜εις εγάπην για τ’ εμέν σην καρδι͜ά σ’ αραεύω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αραεύω | ψάχνω, αναζητώ, γυρεύω | aramak | |
| ας σ’ | (ας σου) από του, από τότε που/αφότου, (ας σο) από το/τα | ||
| ατά | αυτά | ||
| άψιμον | φωτιά | ||
| γεράδες | πληγές, τραύματα | yara | |
| γομούται | γεμίζει, βουρκώνει, κομπιάζει | ||
| δος | δώσε | ||
| έ͜εις | έχεις | ||
| εγάπ’ς | αγάπης | ||
| εκοκκίντσεν | κοκκίνησε | ||
| εμόν | δικός/ή/ό μου | ἐμοῦ | |
| έμορφα | όμορφα | ||
| επέραν | πήραν | ||
| επέρεν | πήρε | ||
| ’ίνεται | γίνεται | ||
| ’κι | δεν | οὐκί<οὐχί | |
| μάγ’λο | μάγουλο | magulum | |
| μαεύω | μαγεύω | ||
| ομμάτι͜α | μάτια | ||
| πα | πάλι, επίσης, ακόμα | ||
| πουλόπο | πουλάκι | ||
| τερώ | κοιτώ | ||
| φανερούται | φανερώνεται | ||
| χ̌ειλόπα | χειλάκια | ||
| ψ̌η | ψυχή |
¹ Ορθ. χρήση στην ποντιακή «ο πρόσωπο σ’» και «εκυλίεν»
