Τερέστεν τ’ ομματόπα μου

Προβολή Τραγουδιού

Τερέστεν τ’ ομματόπα μου
ντο έσταξαν τον τόπον
Εκεί χορτάρ’ ’κ’ εφύτρωσεν,
εξέβεν τσ̌ιτσ̌εκόπον

’Κατήβασες με στο θεμέλ’,
τ’ οσπίτι μ’ επεδράντσες
Το βίο μ’ όλον έφαες,
εμέναν πα ορφάντσες

Όλια τση γης τα υπάρχοντα
σ’ ομμάτι͜α μ’ είν’ χοχόλια
’Κ’ επόρεσα να λέγω σας
τη καρδίας ι-μ’ όλια

Γλωσσάρι

Κείμενο	Επεξήγηση	Ετυμ. Ρίζα
βίο	βιος, περιουσία
είν’	(για πληθ.) είναι
εξέβεν	βγήκε, ανέβηκε
επεδράντσες	έβγαλες την σκεπή του μτφ. το διέλυσες	από+ ρδανίν ή δρανίν
επόρεσα	μπόρεσα
έφαες	έφαγες
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
’κατήβασες	(εκατήβασες) κατέβασες
όλια	όλα
ομμάτι͜α	μάτια
ομματόπα	ματάκια
ορφάντσες	άφησες ορφανό
οσπίτι	σπίτι	hospitium<hospes
πα	πάλι, επίσης, ακόμα
τερέστεν	(προστ.) κοιτάξτε
τση	της
τσ̌ιτσ̌εκόπον	λουλουδάκι	çiçek
χορτάρ’	χορτάρι
χοχόλια	σκουπίδια