Το μικρό Ποντιόπουλο

Προβολή Τραγουδιού

Καλλιτέχνες: Γιώργος Κυβεντίδης, Μαρία Κυβεντίδη

Μικρόν Ποντιοπούλ’ είμαι
και γράμματα μαθάνω
Τα εμέκια τη πατέρα σι-μ’
καμίαν ’κι ανασπάλλω

Πολλά έταν ντο έσυραν
ο κύρη μ’ και η μάνα μ’
Ση Παναΐαν ευτάγω
για τ’ ατείντς ένα τάμα

Σο κύρη μ’ και ση μανίτσα μ’
χατίρ’ ’κι θα χαλάνω
Πάντα θα είμαι εγώ σουμά,
ατείντς εγώ ’κι χάνω

Γλωσσάρι

Κείμενο	Επεξήγηση	Ετυμ. Ρίζα
ανασπάλλω	ξεχνώ
ατείντς	αυτούς
εμέκια	κόποι, μόχθοι, προσπάθειες	emek
έσυραν	έσυραν, τράβηξαν, έριξαν
έταν	ήταν
ευτάγω	κάνω, φτιάχνω	εὐθειάζω
καμίαν	ποτέ
’κι	δεν	οὐκί<οὐχί
μαθάνω	μαθαίνω
πολλά	(επίθ.) πολλά, (επίρρ.) πολύ
σουμά	κοντά
χαλάνω	χαλάω, καταστρέφω
χατίρ’	χάρη, σεβασμός, υπόληψη	hatır/ḫāṭir