Ντ’ εποίκες εσύ, άνθρωπε

Προβολή Τραγουδιού

Ντ’ εποίκες εσύ, άνθρωπε,
π’ εξέγκες τα παράδας
κι εσέγκες σα κιφάλι͜α μουν
πολλά τρανά πελά̤δας;

Τα παράδας, τα παράδας
είναι έναν τρανόν κακόν
Τα παράδας εσταύρωσαν,
εσταύρωσαν τον Χριστόν

Τα παράδας, τα παράδας
ατσ̌ά ποίος εξέγκεν;
Τρανόν πελι͜άν, τρανόν πελι͜άν,
σον άνθρωπον εσέγκεν

Γλωσσάρι

Κείμενο	Επεξήγηση	Ετυμ. Ρίζα
ατσ̌ά	άραγε	acep/ʿaceb
εξέγκεν	έβγαλε
εξέγκες	έβγαλες
εποίκες	έκανες, έφτιαξες	ποιέω-ῶ
εσέγκεν	έβαλε, εισήγαγε
εσέγκες	έβαλες, εισήγαγες
κιφάλι͜α	κεφάλια
μουν	μας
παράδας	χρήματα, λεφτά	para/pāre
πελά̤δας	βάσανα, σκοτούρες	bela
πελι͜άν	βάσανο, σκοτούρα	bela
ποίος	(ερωτημ.) ποιός, (αναφ.αντων.) όποιος
πολλά	(επίθ.) πολλά, (επίρρ.) πολύ
τρανά	μεγάλα