Τσ̌οπάνε

Προβολή Τραγουδιού

Σοφία Παπαδοπούλου Νο2 | Πόντιοι, η χρυσή ελληνική ράτσα

Καλλιτέχνες: Αρχιμήδης Γεωργιάδης, Σοφία Παπαδοπούλου

Τσ̌οπάνε μ’, με τα πρόατα σ’,
[όι, όι, όι] τσ̌οπάνε μ’, με τ’ αρνόπα σ’
Ατά -ν- εξέρ’νε ας ση χαρά σ’,
[όι, όι, όι] ατά -ν- ας σα τερτόπα σ’

Τσ̌οπάνε μ’, ποδεδίζω σε
[όι, όι, όι] κατήβα ας σα ραχ̌ία
Κανείται εσέν ντ’ εντώκανε
[όι, όι, όι] χαλάζι͜α και βρεχ̌ία

Τσ̌οπάνε μ’, με τα πρόατα σ’,
[όι, όι, όι] τσ̌οπάνε μ’, με τ’ αρνόπα σ’
Ατά δίγ’νε σε την χαράν
[όι, όι, όι] ατά παρηγορίαν

Τσ̌οπάνε μ’, ντό γιοσμάς είσαι!
[όι, όι, όι] Νασάν πη παίρ’ -τ- σε -ν- άντραν!
Άφ’ς ατα κι έλα μετ’ εμέν
[όι, όι, όι] τα πρόατα σ’ ’κι χάν’νταν

Γλωσσάρι

Κείμενο	Επεξήγηση	Ετυμ. Ρίζα
αρνόπα	αρνάκια
ας σα	απ’ τα	ασό σα (από τα)
ατά	αυτά
ατα	αυτά
άφ’ς	(προστ.) άφησε
βρεχ̌ία	βροχές
γιοσμάς	κομψός, λεβέντης νέος	yosma
δίγ’νε	δίνουν
εντώκανε	χτύπησαν
εξέρ’νε	ξέρουν, γνωρίζουν ή ήξερε, γνώριζε
κανείται	φτάνει, είναι αρκετό
κατήβα	(προστ.) κατέβα
’κι	δεν	οὐκί<οὐχί
μετ’	μαζί με (με αιτιατική), με (τρόπος)
νασάν	χαρά σε
παίρ’	παίρνω/ει
παρηγορίαν	παρηγοριά
πη	που
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πρόατα	πρόβατα
ραχ̌ία	ράχες, βουνά
τερτόπα	(υποκορ.) καημοί, βάσανα, στενοχώριες	dert
χάν’νταν	χάνονται, διώχνονται