Σην θάλασσαν σο πέλαγος

Θα τραωδώ και λέω σας
και παίρω τα μουράτι͜α μ’
Να ’λέπετεν τα δα̤κρόπα
πώς τρέχ’νε ας σ’ ομμάτι͜α μ’

Πώς να φορώ μαύρα, πουλόπο μ’
και πώς ν’ αφτύνω κερόπον
[και -ν-] αφού τ’ ομμάτι͜α μ’ ’κ’ είδανε
το λείμψανο σ’ αρνόπο μ’;

Το άγρι͜ον το χαπάρ’, πουλί μ’,
εντώκεν σο πορτόπο μ’
Σην θάλασσαν σο πέλαγος
εχάθεν το παιδόπο μ’

Πώς να φορώ μαύρα, πουλόπο μ’
και πώς ν’ αφτύνω κερόπον
[και -ν-] αφού τ’ ομμάτι͜α μ’ ’κ’ είδανε
το λείμψανο σ’ αρνόπο μ’;

Θάλασσα, κύμαν όντες σ’κώντς
για έβγαλ’ το παιδόπο μ’
Να παίρω το μικρόν τ’ αρνί μ’
να ’φτά’ ατο ταφόπον

Πώς να φορώ μαύρα, πουλόπο μ’
και πώς ν’ αφτύνω κερόπον
[και -ν-] αφού τ’ ομμάτι͜α μ’ ’κ’ είδανε
το θάνατο/λείμψανο σ’ αρνόπο μ’;