Ποντιακός Στίχος

Προβολή Τραγουδιού

Τη καρδίας ι-μ’ ο ουρανόν

ΚαρδοπόνεμανΚαρδοπόνεμαν

Στιχουργοί: Μάκης Αθανασιάδης

Συνθέτες: Λάζος Ιωαννίδης

Καλλιτέχνες: Γιώργος Ιωαννίδης, Λάζος Ιωαννίδης


Αν θέλετε τον ουρανόν
απέσ’ σην βούρα μ’ βάλω
Μη λέτε με, μη λέτε με
τ’ αρνόπο μ’ να ανασπάλω

Ανάθεμά σε, νε σεβντά
ευρήκ’ς αγνά καρδίας!
Εκειαπέσ’ σύρτς το άψιμο σ’,
εκειαπέσ’ τη φωτία σ’

Πώς εγροικάς α’ ουρανέ
κι όντες πονώ λιβώνεις;
Κι αν τρέχ’νε τα δα̤κρόπα μου
την γην νερά γομώνεις

Ση καρδι͜άς ι-μ’ τον ουρανόν
σύννεφα μαύρα εκάτσαν
Ήλεν ’κι αφήν’νε να εμπαίν’
το ψ̌όπο μ’ εγονάτ’σαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
αγνάαξιοθαύμαστα, περίεργα
ανασπάλωξεχάσω
απέσ’μέσα
αρνόποαρνάκι, χαϊδευτική προσφώνηση γυναίκας
αφήν’νεαφήνουν
άψιμοφωτιά
βούραχούφτα
γομώνειςγεμίζεις
δα̤κρόπαδάκρυα (υποκορ.)
εγονάτ’σανγονάτισαν
εγροικάςκαταλαβαίνεις
εκάτσανκάθισαν
εκειαπέσ’εκεί μέσα
εμπαίν’μπαίνει
ευρήκ’ςβρίσκεις
ήλενήλιος/ήλιο
καρδίας(τη, γεν.) καρδιάς, (τα, ονομ. πληθ.) καρδιές
’κιδεν ουκί<οὐχί
λιβώνειςσυννεφιάζεις λίβος<λείβω
όντεςόταν
σεβντάαγάπη, έρωτας sevda/sevdā
σύρτςσέρνεις, τραβάς, ρίχνεις
τρέχ’νετρέχουν
ψ̌όποψυχούλα

Ποντιακός Στίχος - Pontian Lyrics 2024

Τραγούδια: 7928 | Albums/Singles: 1169 | Συντελεστές: 1564 | Λήμματα: 13337
Επικοινωνία: infoDUMMY@pontianlyrics.gr