Αητέντς θα ’ίνουμαι, πουλί μ’

Προβολή Τραγουδιού

Καλλιτέχνες: Θεόδωρος Ακριτίδης, Παύλος Σεμερτζίδης

Αητέντς θα ’ίνουμαι, πουλί μ’,
θα ’βγώνω σα ραχ̌ία

♫

Αητέντς θα ’ίνουμαι, πουλί μ’,
θα ’βγώνω σα ραχ̌ία
Ας σα ψηλά θ’ αγναντεύω,
πουλί μ’, τ’ εσά τα ψ̌ήα

Αητέντς θα ’ίνουμαι, πουλί μ’,
θα ’βγώνω σα επουράνι͜α
Μη τυραννί͜εις άλλο την ψ̌η μ’,
θα τρώγ’νε με τ’ ορμάνι͜α

Αητέντς θα ’ίνουμαι, γιαβρί μ’,
κι έρχουμαι έναν ημέραν
Ας σην εγκάλι͜αν τη μάνας
κλέφτω σε, περιστέρα

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
γιαβρί	μωρό, μικρό, παιδί	yavru
εγκάλι͜αν	αγκαλιά
έρχουμαι	έρχομαι
εσά	δικά σου/σας
’ίνουμαι	γίνομαι
κλέφτω	κλέβω
ορμάνι͜α	δάση	orman
ραχ̌ία	ράχες, βουνά
τρώγ’νε	τρώνε
τυραννί͜εις	τυραννάς, ταλαιπωρείς
ψ̌η	ψυχή
ψ̌ήα	ψυχές, η περιοχή του στέρνου, τα εσώψυχα