Τσ̌οπάνος

Προβολή Τραγουδιού

Τσ̌οπάνος με τα πρόατα/πρόβατα
λάσ̌κεται τα ραχ̌ία
Πίνει τα κρύα τα νερά
και σύρ’ τη μαναχ̌ία

Ίλα̤μ σα ραχ̌ι͜ά
πάντα να ευρίουμαι
Πίνω τα κρύα νερά,
τραγουδώ και χ̌αίρουμαι

Τσ̌οπάνε μ’ και τα πρόατα σ’/πρόβατα σ’,
τσ̌οπάνε μ’ και τ’ αρνόπα σ’
Ατά εξέρ’νε ας ση χαρά σ’
’γροικούν ας σα τερτόπα σ’

Ίλα̤μ σα ραχ̌ι͜ά
πάντα να ευρίουμαι
Πίνω τα κρύα νερά,
τραγουδώ και χ̌αίρουμαι

Τσ̌οπάνε μ’, άφ’ς τα πρόατα/πρόβατα,
τσ̌οπάνε μ’, άφ’ς τ’ αρνία
Κανείται ντο εντώκαν σε
χαλάζια και βρεχ̌ία

Ίλα̤μ σα ραχ̌ι͜ά
πάντα να ευρίουμαι
Πίνω τα κρύα νερά,
τραγουδώ και χ̌αίρουμαι

Τσ̌οπάνε μ’, άφ’ς τα λιβάδα̤
κατήβα ’ς σα ραχ̌ία
Έλα και αναμένε σε
χαρχαρισμένα ψ̌ήα

Ίλα̤μ σα ραχ̌ι͜ά
πάντα να ευρίουμαι
Πίνω τα κρύα νερά,
τραγουδώ και χ̌αίρουμαι

Γλωσσάρι

Κείμενο	Επεξήγηση	Ετυμ. Ρίζα
αρνόπα	αρνάκια
ας σα	απ’ τα	ασό σα (από τα)
ατά	αυτά
άφ’ς	(προστ.) άφησε
βρεχ̌ία	βροχές
’γροικούν	(εγροικούν) καταλαβαίνουν
εντώκαν	χτύπησαν
εξέρ’νε	ξέρουν, γνωρίζουν ή ήξερε, γνώριζε
ευρίουμαι	βρίσκομαι
ίλα̤μ	προπαντώς, ιδιαίτερα, ειδικά	illa/illā
κανείται	φτάνει, είναι αρκετό
κατήβα	(προστ.) κατέβα
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
λιβάδα̤	λιβάδια
μαναχ̌ία	μοναξιά
πρόατα	πρόβατα
ραχ̌ι͜ά	ράχες, βουνά
ραχ̌ία	ράχες, βουνά
’ς	(ας) από
σύρ’	σύρω/ει, τραβάω/ει, ρίχνω/ει
τερτόπα	(υποκορ.) καημοί, βάσανα, στενοχώριες	dert
χ̌αίρουμαι	χαίρομαι
χαρχαρισμένα	ασθμαίνοντα, ψυχορραγούντα, που αναπνέουν δύσκολα
ψ̌ήα	ψυχές, η περιοχή του στέρνου, τα εσώψυχα