Προβολή Τραγουδιού
Εκάεν η Σάντα |

Στιχουργοί: Γρηγόρης Συμεωνίδης
Συνθέτες: Γρηγόρης Συμεωνίδης
Καλλιτέχνες: Αλέκος Καραμπίδης, Γρηγόρης Συμεωνίδης
Μανίτσα, η Σάντα επέρεν φωτίαν Οι Σαντέτ’ σα στράτας με βαρύν καρδίαν Έκλαιγαν κι ενούνιζαν ντό θα εποίν’ναν Ούλτς μαύρα ημέρας, μάνα, ενεμείναν Ο καπετάν Ευκλείδης ούλτς ατουν επέρεν Και με τη σκοτία σα Μαγαρά εξέβεν Σ’ ατό τη φωλέαν τ’ άοπλους εσέγκεν Και τα παλληκάρι͜α τ’ να ωρι͜άζ’νε εφέκεν Ο τουσ̌μάνον έρθεν, παγουρτίν εσ’κώθεν Ο Τσιρίπ’ς¹ ο Δήμον πρώτος εσκοτώθεν Άμα ο Ευκλείδης το ομούτ’ ’κ’ έχανεν Με τα παλληκάρι͜α τ’ άμυναν εκράν’νεν Και χαλάζ’ τα σφαίρας έρρουζαν σ’ ορμία ’βούιζεν ο τόπον κι όλια τα ραχ̌ία Σάντας παλληκάρι͜α τη ζωήν εδέκαν, Ὰμα τον τουσ̌μάνον να δα̤βαίν’ ’κ’ εφέκαν
Κείμενο | Επεξήγηση | Ετυμ. Ρίζα | Προέλευση |
---|---|---|---|
ὰμα | αλλά | ama/ammā | |
ατουν | τους | ||
δα̤βαίν’ | (για τόπο) περνάει, διασχίζει, (για χρόνο) περνάει (γενικότερα) περνάει, παύει, τελειώνει | διαβαίνω | |
εδέκαν | έδωσαν | ||
εκράν’νεν | κρατούσε | ||
ενεμείναν | περίμεναν | ||
ενούνιζαν | σκέφτονταν | ||
εξέβεν | βγήκε, ανέβηκε | ||
επέρεν | πήρε | ||
εποίν’ναν | έκαναν, έφτιαχναν | ποιέω-ῶ | |
έρθεν | ήρθε | ||
έρρουζαν | έπεφταν | ||
εσέγκεν | έβαλε, εισήγαγε | ||
εσκοτώθεν | σκοτώθηκε | ||
εσ’κώθεν | σηκώθηκε | ||
εφέκαν | αφήσαν | ||
εφέκεν | άφησε | ||
’κ’ | δεν | οὐκί<οὐχί | |
όλια | όλα | ||
ομούτ’ | ελπίδα | umut | |
ορμία | ρυάκια, ρεματιές | ||
ούλτς | όλους | ||
παγουρτίν | σαματάς, θόρυβος | bağırtı | |
ραχ̌ία | ράχες, βουνά | ||
Σαντέτ’ | οι έχοντες καταγωγή από την Σάντα | ||
σκοτία | σκοτάδι | ||
στράτας | (ονομ.) δρόμοι, (αιτ.) δρόμους | ||
τουσ̌μάνον | εχθρός, εχθρό | düşman/duşmān | |
φωλέαν | φωλιά | ||
χαλάζ’ | χαλάζι | ||
ωρι͜άζ’νε | προσέχουν, φυλάνε, επιβλέπουν |
¹ Ακούγεται πιθ. εκ παραδρομής να τραγουδάει «Τσιρίπ»